ജെ.പി,​ലോഹ്യ അനുസ്മരണം

തിരുവനന്തപുരം: സംഘപരിവാർ ഭീഷണികളെ നേരിടാൻ ജയപ്രകാശ് നാരായണന്റെ നേതൃത്വത്തിൽ നടന്ന സമ്പൂർണ വിപ്ളവം വഴികാട്ടിയാകണമെന്ന് സോഷ്യലിസ്റ്റ് പാർട്ടി (ഇന്ത്യ). ജനാധിപത്യം സംരക്ഷിക്കാൻ ജെ.പിയുടെയും ലോഹ്യയുടെയും കീഴിൽ നടന്ന ജനമുന്നേറ്റം സമകാലിക ഇന്ത്യയിൽ അനിവാര്യമാണെന്നും സോഷ്യലിസ്റ്റ് പാർട്ടി സംഘടിപ്പിച്ച ജെ.പി,​ലോഹ്യ അനുസ്‌മരണ സമ്മേളനം ചൂണ്ടിക്കാട്ടി. കെ.എസ്.സജിത്തിന്റെ അദ്ധ്യക്ഷതയിൽ കായിക്കര ബാബു സമ്മേളനം ഉദ്ഘടാനം ചെയ്തു. ഡോ.വൈ. ജോൺസൺ,ഡോ.പി.ജി.കുമാരസ്വാമി,പ്രൊഫ.ജി.വർഗീസ്,കെ.വിശ്വനാഥൻ,ലാൽകുമാർ,ആർ.ശശിധരൻ നായർ എന്നിവർ സംസാരിച്ചു.