സിവിൽ ഡിഫൻസ് വളണ്ടിയർ പരിശീലനം

തൃക്കരിപ്പൂർ: സംസ്ഥാനങ്ങളിലും കേന്ദ്ര ഭരണപ്രദേശങ്ങളിലും സിവിൽ ഡിഫൻസ് അംഗങ്ങളുടെ തയ്യാറെടുപ്പും ശക്തിയും വർദ്ധിപ്പിക്കുന്നതിന്റെ ഭാഗമായി കാസർകോട് ജില്ലയിലെ ആദ്യബാച്ചിന്റെ പരിശീലനം തൃക്കരിപ്പൂർ നിലയത്തിൽ സ്റ്റേഷൻ ഓഫീസർ കെ.വി. പ്രഭാകരൻ ഉദ്ഘാടനം ചെയ്തു. ചടങ്ങിൽ അസിസ്റ്റന്റ് സ്റ്റേഷൻ ഓഫീസർ സി.പി. ബെന്നി, സീനിയർ ഫയർ റെസ്ക്യു ഓഫീസർ വിനീഷ് കുമാർ എന്നിവർ പ്രസംഗിച്ചു. സിവിൽ ഡിഫൻസ് മാസ്റ്റർ ട്രെയിനറും ഫയർ ആൻഡ് റെസ്ക്യു ഓഫീസറുമായ കെ. ഗോപി പരിശീലനങ്ങളെ കുറിച്ചു സംസാരിച്ചു. ആദ്യ ബാച്ചിൽ 40 പേർ പങ്കെടുത്തു. 2026 മാർച്ചിനുള്ളിൽ പരിശീലനം പൂർത്തികരിക്കുക എന്നതാണ് ലക്ഷ്യം. 18 വയസ്സിന് മുകളിലും കുറഞ്ഞത് നാലാം ക്ലാസ് യോഗ്യതയുമുള്ള, സന്നദ്ധ സേവനത്തിന് താല്പര്യമുള്ളവർക്ക് "സിവിൽ ഡിഫൻസ് വാരിയേഴ്സ്" എന്ന സൈറ്റിൽ രജിസ്റ്റർ ചെയ്യാവുന്നതാണ്. കേരളത്തിൽ ഓരോ ജില്ലയിലും 360 വളണ്ടിയർമാരെയാണ് തിരഞ്ഞെടുക്കുന്നത്.