മന്നം ജയന്തി ആഘോഷം ഇന്നും നാളെയും

കോട്ടയം: സമുദായാചാര്യൻ മന്നത്ത് പത്മനാഭന്റെ 149-ാമത് ജയന്തി ആഘോഷങ്ങൾ ഇന്നും, നാളെയും പെരുന്നയിലെ എൻ.എസ്.എസ് ആസ്ഥാനത്ത് നടക്കും. ഇന്നു രാവിലെ 7 മുതൽ മന്നംസമാധിയിൽ പുഷ്പാർച്ചന. 10.30ന് അഖിലകേരള നായർ പ്രതിനിധിസമ്മേളനം. എൻ.എസ്.എസ് ജനറൽ സെക്രട്ടറി ജി. സുകുമാരൻ നായർ സംഘടനാപ്രവർത്തനങ്ങൾ വിശദീകരിക്കും. എൻ.എസ്.എസ് പ്രസിഡന്റ് ഡോ.എം.ശശികുമാർ അദ്ധ്യക്ഷത വഹിക്കും. സെക്രട്ടറി ഹരികുമാർ കോയിക്കൽ പ്രസംഗിക്കും. വൈകിട്ട് 3ന് സംഗീതക്കച്ചേരി, 6.30ന് നടി ആശാശരത്തും സംഘവും അവതരിപ്പിക്കുന്ന നൃത്തസന്ധ്യ. രാത്രി 9ന് കഥകളി നളചരിതം നാലാംദിവസം, നിഴൽക്കുത്ത്.

നാളെ രാവിലെ 7 മുതൽ മന്നംസമാധിയിൽ പുഷ്പാർച്ചന, 11ന് മന്നംജയന്തി സമ്മേളനം ദേശീയ ന്യൂനപക്ഷ കമ്മിഷനംഗം ഡോ.സിറിയക് തോമസ് ഉദ്ഘാടനം ചെയ്യും. എൻ.എസ്.എസ് പ്രസിഡന്റ് ഡോ.എം.ശശികുമാർ അദ്ധ്യക്ഷത വഹിക്കും. കവിയും ഗാനരചയിതാവുമായ രാജീവ് ആലുങ്കൽ അനുസ്മരണപ്രഭാഷണം നടത്തും. ജനറൽ സെക്രട്ടറി ജി. സുകുമാരൻനായർ, ട്രഷറർ എൻ.വി.അയ്യപ്പൻപിള്ള എന്നിവർ പ്രസംഗിക്കും.