കുത്തുകേസ് പ്രതി അറസ്റ്റിൽ

തൊടിയൂർ: മദ്യപിക്കാൻ പണം കൊടുക്കാത്തതിന് കുത്തി പരിക്കേൽപ്പിച്ച പ്രതി പിടിയിലായി. തൊടിയൂർ കല്ലേലിഭാഗം പുതിയവീട്ടിൽ വടക്കതിൽ ഷാനാണ് (44) കരുനാഗപ്പള്ളി പൊലീസിന്റെ പിടിയിലായത്. കഴിഞ്ഞ ദിവസം മാരാരിത്തോട്ടത്ത് വച്ച് നൗഫലിനെ തടഞ്ഞുനിറുത്തി മദ്യപിക്കാനായി പണം ആവശ്യപ്പെട്ടു. കൊടുക്കാത്തതിന്റെ വിരോധത്താൽ പ്രതി നൗഫലിനെ ചെകിടത്തടിക്കുകയും കുത്തുകയുമായിരുന്നു. കൈകൊണ്ട് തടയുന്നതിനിടിയിൽ ഇടത് കൈയ്ക്കാണ് കുത്തേറ്റത്. കരുനാഗപ്പള്ളി പൊലീസിൽ നൽകിയ പരാതിയുടെ അടിസ്ഥാനത്തിൽ മാളിയേക്കൽ ബീവറേജസ് ഭാഗത്ത് നിന്ന് പ്രതിയെ പിടികൂടുകയായിരുന്നു. കരുനാഗപ്പള്ളി എസ്.എച്ച്.ഒ അനൂപിന്റെ നേതൃത്വത്തിൽ എസ്.ഐമാരായ ഷമീർ, ജയേഷ്, ആഷിഖ്, സുരേഷ് കുമാർ, എസ്.സി.പി.ഓ ഹാഷിം എന്നിവരടങ്ങിയ സംഘമാണ് പ്രതിയെ പിടികൂടിയത്.