ആശുപത്രിയിൽ ആംബുലൻസ് ഡ്രൈവറെ മർദ്ദി​ച്ച യുവാവ് പി​ടി​യി​ൽ

തുറവൂർ: തുറവൂർ താലൂക്ക് ആശുപത്രിയിലെ ആംബുലൻസ് ഡ്രൈവർസുനി​ൽകുമാറി​നെ ക്രൂരമായി​ മർദ്ദി​ച്ച യുവാവി​നെ പൊലീസ് അറസ്റ്റ് ചെയ്തു. ഓട്ടോറി​ക്ഷ ഡ്രൈവറായ തുറവൂർ പഞ്ചായത്ത് ഏഴാം വാർഡിലെ പുളിത്തറവീട്ടിൽ വാടകയ്ക്ക് താമസിക്കുന്ന പള്ളുരുത്തി​ സ്വദേശി​ അഖിലി​നെയാണ് (31) കുത്തിയതോട് പൊലീസ് അറസ്റ്റ് ചെയ്തത്. ഞായറാഴ്ച ഉച്ചകഴിഞ്ഞ് മൂന്നുമണിയോടെയാണ് ആശുപത്രി വളപ്പിലായി​രുന്നു സംഭവം.

സുനിൽകുമാറിനെ നിലത്തുവീഴ്ത്തിയും മുഖത്ത് അടിച്ചും പ്രതി മർദ്ദിക്കുന്ന ദൃശ്യങ്ങൾ സോഷ്യ മീഡി​യയി​ൽ പ്രചരി​ച്ചി​രുന്നു. മൂക്കിന്റെ എല്ലിന് ഗുരുതരമായി പരുക്കേറ്റ സുനിൽകുമാറിനെ ആദ്യം തുറവൂർ താലൂക്ക് ആശുപത്രിയിലും തുടർന്ന് വിദഗ്ധ ചികിത്സയ്ക്കായി ചേർത്തല താലൂക്ക് ആശുപത്രിയിലും പ്രവേശിപ്പിച്ചു.

വിഷക്കായ കഴിച്ച ഭാര്യാ സഹോദരനെയും കൊണ്ട് ആശുപത്രിയിലെത്തി​യതായി​രുന്നു അഖി​ൽ. രോഗിയെ കയറ്റിയ ആംബുലൻസിന് പോകാൻ കഴിയാത്തവിധം ഓട്ടോറിക്ഷ പാർക്ക് ചെയ്തിരുന്നതും അത് മാറ്റണമെന്ന് ആവശ്യപ്പെട്ടതുമാണ് ആക്രമണത്തിന് കാരണമായത്.

അഖി​ലി​നൊപ്പമുണ്ടായി​രുന്ന ഭാര്യയും കുട്ടിയും മർദ്ദനം തടയാൻ ശ്രമിക്കുന്നതും ദൃശ്യങ്ങളി​ൽ വ്യക്തമാണ്.

ആശുപത്രി ജീവനക്കാരെതിരെയുള്ള ആക്രമണത്തിൽ പ്രതിഷേധിച്ച് ജീവനക്കാർ ഇന്ന് രാവിലെ ആശുപത്രി വളപ്പിൽ പ്രതിഷേധം നടത്തി. ആശുപത്രി​യി​ൽ പൊലീസ് സാന്നിദ്ധ്യം ശക്തമാക്കണമെന്ന് ജീവനക്കാർ ആവശ്യപ്പെട്ടു.