സി.ടി.ഡി.സി വോളി രണ്ടാം എഡിഷൻ നാളെ മുതൽ

പേരാവൂർ: ചെങ്കൽ തൊഴിലാളി ഡ്രൈവേഴ്സ് ആൻഡ് ക്ലീനേഴ്സ് വേൽഫെയർ ട്രസ്റ്റ് സംഘടിപ്പിക്കുന്ന ഓൾ കേരള സി.ടി ഡി.സി. വോളി രണ്ടാമത് എഡിഷൻ നാളെ മുതൽ എട്ടുവരെ നടക്കും. മണത്തണ കെ.പി.കെ നായർ ഫ്ളഡ്ലിറ്റ് സ്റ്റേഡിയത്തിൽ വൈകുന്നേരം ആറു മുതലാണ് മത്സരം. പുരുഷ വിഭാഗത്തിൽ സായി സെന്റർ കോഴിക്കോട്, ടൗൺ സ്ക്വയർ കണ്ണൂർ, യംഗ്സ്റ്റാർ മാതമംഗലം, യുവധാര പട്ടാനൂർ, ന്യൂ പ്രസാദ് വെള്ളച്ചാൽ, എസ്.എൻ.കോളേജ് ചേളന്നൂർ എന്നിവർ മാറ്റുരക്കും. വനിതാ വോളിയിൽ സെയ്ന്റ് മേരീസ് കോളേജ് സുൽത്താൻ ബത്തേരി, ഐ.പി.എം വടകര, സ്പോർട്സ് ഡിവിഷൻ കണ്ണൂർ, പാറ്റേൺ കാരന്തൂർ എന്നിവരും മത്സരിക്കും. ഉദ്ഘാടന ദിവസം ജിമ്മി ജോർജ് സ്പോർട്സ് അക്കാഡമി പേരാവൂരും ബ്രദേഴ്സ് അത്തൂരും തമ്മിലും സമാപന ദിവസം വനിതാ വോളി ജേതാക്കളും ജിമ്മി ജോർജ് അക്കാഡമി മിനി ബോയ്സ് ടീം തമ്മിലും പ്രദർശന മത്സരം നടക്കും. വാർത്താസമ്മേളനത്തിൽ പി.വി.വിനോദൻ, കെ.ജെ.സെബാസ്റ്റ്യൻ, വി.പി സമദ്, ടി.വിനോദ് എന്നിവർ സംബന്ധിച്ചു .