പോക്സോ കേസ് പ്രതിക്ക് 120 വർഷം കഠിനതടവ്

കൊല്ലം: പോക്സോ കേസിൽ 77 കാരനായ പ്രതിക്ക് 120 വർഷം കഠിനതടവും 6 ലക്ഷം രൂപ പി​ഴയും. പെരിനാട് ചെറുമൂട് ചേരിയിൽ നാട്ടുവാതുക്കൽ അജയ ഭവനിൽ നെൽസണി​നെയാണ് കൊല്ലം അതിവേഗം സ്പെഷ്യൽ കോടതി ജഡ്ജി എ.സമീർ ശി​ക്ഷി​ച്ചത്.

2020 മുതൽ 22 വരെ കോവിഡ് കാലത്താണ് പ്രതി പത്തു വയസുകാരിയെ അതിക്രൂരമായി ലൈംഗിക പീഡനത്തിന് ഇരയാക്കിയത്. അമ്മ ജോലിക്ക് പോകുമ്പോൾ പിതാവിന് മദ്യം നൽകിയ ശേഷമായി​രുന്നു പീഡനം. അദ്ധ്യാപകന്റെ ഇടപെടലിലാണ് സംഭവം പുറത്തറി​ഞ്ഞത്. കുണ്ടറ സ്റ്റേഷൻ ഹൗസ് ഓഫീസർ ആർ.രതീഷാണ് കേസ് അന്വേഷിച്ച് കുറ്റപത്രം സമർപ്പിച്ചത്. പ്രോസിക്യൂഷന് വേണ്ടി സ്പെഷ്യൽ പബ്ലിക് പ്രോസിക്യൂട്ടർ ആർ.സരിത ഹാജരായി. കുട്ടി​യുടെ വിദ്യാഭ്യാസ നിലവാരവും കുടുംബ പശ്ചാത്തലവും കണക്കിലെടുത്ത് പുനരധിവാസം നടത്താൻ വിക്ടിം കോമ്പൻസേഷൻ സ്കീമിൽ നിന്ന് നഷ്ടപരി​ഹാരം നൽകാൻ ജില്ലാ ലീഗൽ സർവീസ് അതോറിട്ടി​യോട് നിർദ്ദേശിച്ചിട്ടുണ്ട്. എ.എസ്.ഐമാരായ എസ്.സിന്ധ്യാ ,മിനിമോൾ എന്നിവർ പ്രോസിക്യൂഷൻ നടപടികൾ ഏകീകരിച്ചു