വീടുകൾ സന്ദർശിച്ചു

ഹരിപ്പാട് : എൽ.ഡി.എഫ് സ്ഥാനാർത്ഥി ടി. ടി ജിസ്‌മോൻ തൃക്കുന്നപ്പുഴ, ആറാട്ടുപുഴ പഞ്ചായത്തുകളിലെ വിവിധ പ്രദേശങ്ങളിലെ വ്യാപാരസ്ഥാപനങ്ങളിലും വീടുകളിലും സന്ദർശനം നടത്തി. ആറാട്ടുപുഴ ഗ്രാമ പഞ്ചായത്തംഗങ്ങളായ എം.പ്രതാപൻ, പ്രിയാരാജൻ, എൽ.ഡി.എഫ് നേതാക്കളായ സ്മിത രാജേഷ്, എം.മുത്തുക്കുട്ടൻ, കെ.അനിലാൽ, ദിലീപ്കുമാർ, തസ്‌ലീം എന്നിവർ സ്ഥാനാർത്ഥിയോടൊപ്പം ഉണ്ടായിരുന്നു. ആറാട്ടുപുഴ,തൃക്കുന്നപ്പുഴ പഞ്ചായത്തുകളിലെ പീലിംഗ് ഷെഡ്ഡുകൾ, വ്യാപാര വ്യവസായ സ്ഥാപനങ്ങൾ, തൊഴിലുറപ്പ് കേന്ദ്രങ്ങൾ എന്നിവിടങ്ങളിലും സ്ഥാനാർത്ഥി സന്ദർശനം നടത്തി. പല്ലന കുമാരനാശാൻ സ്മൃതികുടീരത്തിൽ പുഷ്പാർച്ചനയും നടത്തി.