നഷ്ടപ്പെട്ട വിശുദ്ധി നേടിയെടുക്കലാണ് നോമ്പ്

പത്തനാപുരം: നമുക്ക് നഷ്ടപ്പെട്ട വിശുദ്ധി നേടിയെടുക്കലാണ് നോമ്പെന്ന് സീറോ മലങ്കര സഭ തിരുവനന്തപുരം മേജർ അതിഭദ്രാസന സഹായ മെത്രാൻ ഡോ. യൂഹാനോൻ മാർ അലക്‌​സിയോസ് പറഞ്ഞു. അമ്പത് നോമ്പിനോടനുബന്ധിച്ച് പത്തനാപുരം ഗാന്ധിഭവനിൽ സംഘടിപ്പിച്ച നോമ്പുകാല പ്രാർത്ഥനാസംഗമം 'ഗത് സെമനി 2026' ഉദ്ഘാടനം ചെയ്യുകയായിരുന്നു അദ്ദേഹം.

മുൻ രാഷ്ട്രപതി ഡോ. എ.പി.ജെ.അബ്ദുൾകലാം ഗാന്ധിഭവനെ മിനി ഇന്ത്യ എന്നാണ് വിശേഷിപ്പിച്ചതെങ്കിൽ സൗഖ്യപ്പെടലിന്റെ ഇന്ത്യയെന്നാണ് അനേകർക്ക് സൗഖ്യം നൽകുന്ന ഈ ഗാന്ധിഭവനെ ഞാൻ വിശേഷിപ്പിക്കുന്നത്. ഗാന്ധിഭവൻ ചെയർപേഴ്‌​സൺ ഡോ. ഷാഹിദാ കമാൽ അദ്ധ്യക്ഷയായി. സി.ഇ.ഒ ഡോ. വിൻസെന്റ് ഡാനിയേൽ സ്വാഗതം പറഞ്ഞു. അക്കൗണ്ട്‌​സ് ജനറൽ മാനേജർ കെ.ഉദയകുമാർ, അഡ്മിനിസ്‌​ട്രേറ്റീവ് ഓഫീസർ ബി.മോഹനൻ, ജനറൽ ഡയറക്ടർ സന്തോഷ് ജി.നാഥ്, ട്രസ്റ്റി പ്രസന്ന രാജൻ എന്നിവർ ആശംകൾ നേർന്നു.