കെ.എൻ.ബാലഗോപാലിന് തിരഞ്ഞെടുപ്പ് ഗാനം

കൊട്ടാരക്കര: കൊട്ടാരക്കരയിൽ ഇടത് മുന്നണി സ്ഥാനാർത്ഥി കെ.എൻ.ബാലഗോപാലിന്റെ തിരഞ്ഞെടുപ്പ് പ്രചാരണത്തിന്റെ ഭാഗമായി ഗാനം പുറത്തിറക്കി. 'കഥകളിയുടെ നാടേ.. പുതുകനവുണരും നാടേ..' എന്ന് തുടങ്ങി 'കൊട്ടാരക്കര തൊട്ടില്ലേ, പുതുമാറ്റത്തിൻ വാനിൽ... ബാലഗോപാൽ തുടരില്ലേ.. ഈ നാട് വളരില്ലേ...' എന്ന് ചോദിക്കുന്ന വരികളാണുള്ളത്. മണ്ഡലത്തിൽ നടപ്പാക്കിയ വികസനവും ക്ഷേമവും കരുതലുമെല്ലാം വരികളിൽ കാച്ചിക്കുറുക്കി ചേർത്തിട്ടുണ്ട്. നാളെയുടെ പ്രതീക്ഷകളും കൂടി ചേർത്ത് എഴുതിയത് ചക്കുവരയ്ക്കൽ സ്വദേശിയും ഗാനരചയിതാവുമായ ഹ്യൂമൻ സിദ്ദിഖാണ്. നിതിൻ ശിവ സംഗീതം നൽകി ആലപിച്ചു. ഗാനത്തിന്റെ ദൃശ്യാവിഷ്കാരവുമുണ്ട്.