ക്യു.എസ്. റാങ്കിംഗിൽ കുതിച്ച് വി.ഐ.ടി

ചെന്നൈ: ആഗോള സർവകലാശാലകളുടെ നിലവാരം നിർണയിക്കുന്ന വിഷയാടിസ്ഥാനത്തിലുള്ള ക്യു.എസ്.വേൾഡ് യൂണിവേഴ്‌സിറ്റി റാങ്കിംഗിൽ വെല്ലൂർ ഇൻസ്റ്റിറ്റ്യൂട്ട് ഒഫ് ടെക്‌നോളജിയ്‌ക്ക്(വി.ഐ.ടി) മികച്ച നേട്ടം. എൻജിനീയറിംഗ് ആൻഡ് ടെക്‌നോളജി വിഭാഗത്തിൽ ഇന്ത്യയിൽ ആറാം റാങ്കും ആഗോള തലത്തിൽ 14-ാം റാങ്കുമായിരുന്നു. മാത്തമാറ്റിക്‌സിൽ ഇന്ത്യയിൽ അഞ്ചാം റാങ്കും ആഗോളതലത്തിൽ 104-ാം റാങ്കും കംപ്യൂട്ടർ സയൻസ് ആൻഡ് ഇൻഫർമേഷൻ സിസ്റ്റം വിഭാഗത്തിൽ ഇന്ത്യയിൽ ആറാം റാങ്കും ആഗോളതലത്തിൽ 86-ാം റാങ്കും നേടി.
ഇലക്ട്രിക്കൽ ആൻഡ് ഇലക്ട്രോണിക്‌സ് വിഭാഗത്തിൽ ഇന്ത്യയിൽ ഏഴാം റാങ്കും ആഗോളതലത്തിൽ 87-ാം റാങ്കുമുണ്ട്. ഡാറ്റാ സയൻസ് ആൻഡ് ആർട്ടിഫിഷ്യൽ ഇന്റലിജൻസ് വിഭാഗത്തിൽ ഇന്ത്യയിൽ എട്ടാം റാങ്ക് നേടി.
മെക്കാനിക്കൽ എൻജിനിയറിംഗ് (148), മാത്തമാറ്റിക്‌സ് 104), മെറ്റീരിയൽ സയൻസ് (137), ആർട്ട് ആൻഡ് ഡിസൈൻ (201-300) സിവിൽ എൻജിനിയറിംഗ് (201-275) കെമിക്കൽ എൻജിനിയറിംഗ് (201-250), കെമിസ്ട്രി (251-300), ഫിസിക്‌സ് (251-275) ബയോളജിക്കൽ സയൻസ് (351-350), അഗ്രിക്കൾച്ചർ (401-475), ബിസിനസ് ആൻഡ് മാനേജ്‌മെന്റ് (451-500) എന്നീ വിഭാഗങ്ങളിലും വി.ഐ,.ടി നേട്ടം കൈവരിച്ചു.