ഇലക്ട്രിക് കൊമേഴ്സ്യൽ വാഹന വിൽപ്പനയിൽ കുതിച്ച് മഹീന്ദ്ര

കൊച്ചി: ഇന്ത്യയിലെ ഇലക്ട്രിക് കൊമേഴ്സ്യൽ വാഹന വിപണിയിൽ ആധിപത്യം ഉറപ്പിച്ച് മഹീന്ദ്ര ലാസ്റ്റ് മൈൽ മൊബിലിറ്റി ലിമിറ്റഡ് കഴിഞ്ഞ സാമ്പത്തിക വർഷത്തിലും മികച്ച പ്രകടനം നടത്തി. തുടർച്ചയായ നാലാമത്തെ വർഷമാണ് രാജ്യത്തെ ഒന്നാം നമ്പർ ഇലക്ട്രിക് കൊമേഴ്സ്യൽ വാഹന നിർമ്മാതാക്കളായി കമ്പനി തുടരുന്നത്. ഒരു സാമ്പത്തിക വർഷത്തിൽ ഒരു ലക്ഷത്തിലധികം ഇലക്ട്രിക് വാഹനങ്ങൾ വിറ്റഴിക്കുന്ന ആദ്യ വാണിജ്യ വാഹന നിർമ്മാതാക്കളെന്ന റെക്കാഡും മഹീന്ദ്ര സ്വന്തമാക്കി. എൽ5 കാറ്റഗറിയിൽ 39.7 ശതമാനം വിപണി വിഹിതവുമായി കമ്പനി കരുത്ത് തെളിയിച്ചു. ഇതുവരെ മഹീന്ദ്രയുടെ ഇലക്ട്രിക് വാഹനങ്ങൾ ആകെ 600 കോടി കിലോമീറ്ററിലധികം ദൂരം പിന്നിട്ടതോടെ ഏകദേശം 240 കിലോ മെട്രിക് ടൺ കാർബൺ പുറന്തള്ളൽ കുറയ്ക്കാനായി. 3.4 ലക്ഷത്തിലധികം ഇലക്ട്രിക് വാഹനങ്ങളാണ് കമ്പനി ഇതുവരെ വിറ്റഴിച്ചത്.

താരമാകാൻ മഹീന്ദ്ര ഉഡോ

ഉപഭോക്താക്കളുടെ താൽപ്പര്യങ്ങൾ പരിഗണിച്ച് പുറത്തിറക്കിയ 'മഹീന്ദ്ര ഉഡോ' എന്ന പുതിയ മോഡലാണ് ഈ വർഷത്തെ പ്രധാന ആകർഷണം. സെഗ്‌മെന്റിൽ ആദ്യമായി റിവേഴ്സ് ത്രോട്ടിൽ സംവിധാനത്തിന് പുറമേ, മികച്ച എയറോഡൈനാമിക് ഡിസൈനും ഡ്രൈവർമാർക്ക് കൂടുതൽ സൗകര്യപ്രദമായ ഫീച്ചറുകളും ഇതിലുണ്ട്. ഒറ്റ ചാർജിംഗിൽ 200 കിലോമീറ്റർ ദൂരം സഞ്ചരിക്കാം.

മഹീന്ദ്ര ഉഡോ വില

3.6 ലക്ഷം രൂപ മുതൽ