അന്വേഷണത്തിന് ഉത്തരവിട്ട് ദേശീയ പട്ടികജാതി കമ്മിഷൻ

ന്യൂഡൽഹി: നിതിൻ രാജിന്റെ മരണത്തിൽ അന്വേഷണത്തിന് ഉത്തരവിട്ട് ദേശീയ പട്ടികജാതി കമ്മിഷൻ. എസ്.സി/ എസ്.ടി നിയമത്തിലെ വകുപ്പുകളും കൂടി ചേർത്ത് വിഷയം അന്വേഷിക്കണമെന്ന് സംസ്ഥാന ഡി.ജി.പിക്ക് നിർദ്ദേശം നൽകി. കേസിലെ വസ്‌തുതകളും​ സ്വീകരിച്ച നടപടികളും വ്യക്തമാക്കി അഞ്ചുദിവസത്തിനകം ഡി.ജി.പി റിപ്പോർട്ട് സമർപ്പിക്കണം. മെഡിക്കൽ വിദ്യാഭ്യാസ ഡയറക്‌ടറും 5 ദിവസത്തിനകം റിപ്പോർട്ട് നൽകണം. മരണത്തിനു പിന്നിൽ ജാതിവിവേചനമാണെന്ന ആരോപണം ഉയർന്നതിനെത്തുടർന്ന് ബി.ജെ.പി സംസ്ഥാന സെക്രട്ടറി പി.ശ്യാംരാജാണ് ദേശീയ പട്ടികജാതി കമ്മിഷനെ സമീപിച്ചത്.