കാറും ഓട്ടോറിക്ഷയും കൂട്ടിയിടിച്ചു,​ ഓട്ടോ ഡ്രൈവർക്ക് ഗുരുതര പരിക്ക്

ചേർത്തല: തണ്ണീർമുക്കം കണ്ണങ്കര കവലയിൽ കാറും ഓട്ടോറിക്ഷയും കൂട്ടിയിടിച്ചു,ഓട്ടോ ഡ്രൈവർക്ക് പരിക്കേറ്റു. തണ്ണീർമുക്കം കണ്ണങ്കര തറയിൽ ജോയിക്കാണ് (55) ഗുരുതരമായി പരിക്കേറ്റത്. ഇരു കാലുകളും കൈകളും ഒടിഞ്ഞ ജോയിയെ കോട്ടയം മെഡിക്കൽ കാേളേജ് ആശുപത്രിയിൽ പ്രവേശിപ്പിച്ചു. മുട്ടത്തിപറമ്പ് കവലയിലെ ഓട്ടോ സ്റ്റാൻഡിലെ ഡ്രൈവറായ ജോയി ഉച്ചയ്ക്ക് ഭക്ഷണം കഴിച്ച ശേഷം സ്റ്റാൻഡിലേയ്ക്ക് മടങ്ങുന്നതിനിടെ വൈകിട്ട് 3 മണിയോടെയായിരുന്നു അപകടം. വടക്ക് ഭാഗത്ത് നിന്നും മറ്റൊരു വാഹനത്തെ മറികടന്ന് വരുകയായിരുന്ന കാർ ഓട്ടോ റിക്ഷയെ ഇടിച്ചു തെറിപ്പിക്കുകയായിരുന്നു. ഓട്ടോറിക്ഷയുടെ മുൻവശം പൂർണ്ണമായും തകർന്നു. കാറിന്റെ ബോണറ്റും മുൻവശത്തെ ബമ്പറും തകർന്നു. കാർ യാത്രക്കാർ പരിക്കേൽക്കാതെ രക്ഷപ്പെട്ടു. മുഹമ്മ പൊലീസ് കേസെടുത്തു.