ചൂടേറുന്നു, ജില്ലയിൽ ഉഷ്ണതരംഗ സാദ്ധ്യത

രണ്ട് ഡിഗ്രി വരെ ചൂട് കൂടും

​കൊല്ലം: ജി​ല്ലയി​ൽ വരും ദി​വസങ്ങളി​ൽ താപനി​ല രണ്ട് ഡി​ഗ്രി​യി​ലേറെ കൂടാൻ സാദ്ധ്യതയെന്ന് കാലാവസ്ഥ നി​രീക്ഷണ വകുപ്പ്.

ഉഷ്ണതരംഗത്തിന് സമാനമായ സാഹചര്യമായിരിക്കും അനുഭവപ്പെടുക. ഇടുക്കി വയനാട് ഒഴികെയുള്ള 12 ജില്ലകളിൽ യെല്ലോ അലർട്ട് പ്രഖ്യാപിച്ചു.

പാലക്കാട് ജില്ലയിൽ താപനില 40 ഡി​ഗ്രി​ വരെ ഉയർന്നേക്കാം. കൊല്ലത്ത് 39 ഡി​ഗ്രി​ വരേയും കോട്ടയത്ത് 38 ഡി​ഗ്രി​ വരെയും ചൂട് കൂടാൻ സാദ്ധ്യതയുണ്ട്. ആലപ്പുഴ, പത്തനംതിട്ട, എറണാകുളം, തൃശൂർ, മലപ്പുറം, കോഴിക്കോട്, കണ്ണൂർ, കാസർകോട് ജില്ലകളിൽ 37 ഡി​ഗ്രി​, തിരുവനന്തപുരത്ത് 36 ഡി​ഗ്രി​ താപനിലയാണ് കരുതുന്നത്. ഉയർന്ന താപനിലയും വായുവിലെ ഈർപ്പവും കാരണം മലയോര മേഖലകളിലൊഴികെ കഠിനമായ അസ്വസ്ഥത അനുഭവപ്പെട്ടേക്കാം.

...................

​ജാഗ്രതാ നിർദ്ദേശങ്ങൾ

...............................

 സൂര്യാഘാതം, നിർജലീകരണം എന്നിവ ഒഴിവാക്കാൻ പകൽ 11മുതൽ 3 മണി വരെ നേരിട്ട് വെയിൽ ഏൽക്കുന്നത് പരമാവധി ഒഴിവാക്കണം

 ദാഹമില്ലെങ്കിലും ധാരാളം വെള്ളം കുടിക്കണം

..............................

ജില്ലയിൽ ​ഇടിമിന്നൽ ജാഗ്രത

..............................

ജില്ലയിൽ വരും ദിവസങ്ങളിൽ കടുത്ത ചൂടിനൊപ്പം ഇടിമിന്നലോടു കൂടിയ മഴയ്ക്കും സാദ്ധ്യതയുള്ളതായി കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്. ഇന്നു മുതൽ 22 വരെ ഒറ്റപ്പെട്ടയിടങ്ങളിൽ ഇടിമിന്നലോടു കൂടിയ മഴയ്ക്ക് സാദ്ധ്യതയുണ്ട്.

.................................

 കാർമേഘം കണ്ട് തുടങ്ങിയാൽ സുരക്ഷിതമായ കെട്ടിടത്തിലേക്ക് മാറണം.

 തുറസായ സ്ഥലങ്ങളിൽ തുടരുന്നത് മിന്നൽ ഏൽക്കാനുള്ള സാദ്ധ്യത വർദ്ധിപ്പിക്കും.

 ഗൃഹോപകരണങ്ങളുടെ വൈദ്യുതി ബന്ധം വിച്ഛേദിക്കണം ജലാശയങ്ങളിൽ ഇറങ്ങരുത്

 ശക്തമായ കാറ്റിനും ഇടിമിന്നലിനും സാദ്ധ്യതയുള്ള ഘട്ടത്തിൽ ജനലും വാതിലും അടച്ചിടുക

 വൈദ്യുതോപകരണങ്ങളുമായുള്ള സാമീപ്യം ഇടിമിന്നലുള്ള സമയത്ത് ഒഴിവാക്കുക.

 പൈപ്പുകളിലൂടെ വൈദ്യുതി സഞ്ചരിക്കാൻ സാദ്ധ്യതയുള്ളതിനാൽ മിന്നലുള്ളപ്പോൾ കുളിക്കുന്നതും ടാപ്പുകളിൽ നിന്ന് വെള്ളം ശേഖരിക്കുന്നതും ഒഴിവാക്കണം