മുംബയ് ഇന്ത്യൻസിന് തകർപ്പൻ വിജയം
രാജസ്ഥാൻ റോയൽസ് 90/9,മുംബയ് ഇന്ത്യൻസ് 94/2
ഷാർജ : രാജസ്ഥാൻ റോയൽസിന്റെ പ്ളേ ഓഫ് പ്രതീക്ഷകൾക്ക് കനത്ത തിരിച്ചടി നൽകി മുംബയ് ഇന്ത്യൻസ്. ഐ.പി.എല്ലിലെ നിർണായക മത്സരത്തിൽ രാജസ്ഥാൻ റോയൽസിന് കനത്ത ബാറ്റിംഗ് തകർച്ചയാണ് നേരിട്ടത്. ടോസ് നഷ്ടപ്പെട്ട് ബാറ്റിംഗിനിറങ്ങിയ സഞ്ജു സാംസണിന്റെ സംഘത്തിന് നിശ്ചിത 20 ഓവറിൽ ഒൻപത് വിക്കറ്റ് നഷ്ടത്തിൽ നേടാനായത് 90 റൺസ് മാത്രമാണ്.മറുപടിക്കിറങ്ങിയ മുംബയ് വെറും 8.2ഓവറിൽ രണ്ട് വിക്കറ്റ് മാത്രം നഷ്ടപ്പെടുത്തി ഈസിയായി വിജയത്തിലെത്തി. നാലുവിക്കറ്റ് വീഴ്ത്തിയ നഥാൻ കൗട്ടർനിലെയും മൂന്ന് വിക്കറ്റ് വീഴ്ത്തിയ ജെയിംസ് നീഷവും രണ്ട് വിക്കറ്റുകൾ സ്വന്തമാക്കിയ ജസ്പ്രീത് ബുംറയും ചേർന്നാണ് രാജസ്ഥാനെ തരിപ്പണമാക്കിയത്. മറുപടിക്കിറങ്ങിയ മുംബയ്ക്കായി ഇഷാൻ കിഷൻ പുറത്താകാതെ 25 പന്തുകളിൽ നിന്ന് 50 റൺസടിച്ചു. രോഹിത് ശർമ്മ (22),സൂര്യകുമാർ(13) എന്നിവരുടെ വിക്കറ്റുകളാണ് നഷ്ടമായത്.
ഈ വിജയത്തോടെ മുംബയ് ഇന്ത്യൻസിന് 13 കളികളിൽ നിന്ന് 12 പോയിന്റായി.അഞ്ചാം സ്ഥാനത്താണ് മുംബയ് ഇപ്പോൾ.13കളികളിൽനിന്ന് 10 പോയിന്റുള്ള രാജസ്ഥാൻ ഏഴാംസ്ഥാനത്തായി.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |