SignIn
Kerala Kaumudi Online
Sunday, 05 December 2021 9.47 AM IST

നിയമ വിദ്യാർത്ഥിനിയുടെ ആത്മഹത്യ: ആലുവയിൽ പ്രതിഷേധമിരമ്പുന്നു, കോൺഗ്രസ് മാർച്ച് അക്രമാസക്തമായി, പ്രതിഷേധവുമായി സഹപാഠികളും

students
എടത്തല പൊലീസ് സ്റ്റേഷനുമുന്നിൽ കുത്തിയിരുന്നു പ്രതിഷേധിക്കുന്ന ഡീൻ കുര്യാക്കോസ് എം.പിയും കെ.എസ്.യു.പ്രവർത്തകരും

ആലുവ: ഭർത്തൃവീട്ടിലെ പീഡനം സംബന്ധിച്ച പരാതിയിൽ പൊലീസ് സ്റ്റേഷനിലെ ചർച്ചയ്ക്കു പിന്നാലെ നിയമവിദ്യാർത്ഥിനി മോഫിയ പർവീൻ തൂങ്ങിമരിച്ച സംഭവത്തിൽ ഇന്നലെയും ആലുവ സംഘർഷഭരിതമായിരുന്നു. ആരോപണ വിധേയനായ സി.ഐ സി.എൽ.സുധീറിനെ സർവീസിൽ നിന്നും സസ്‌‌പെൻഡ് ചെയ്യണമെന്നാവശ്യപ്പട്ട് ജില്ലാ കോൺഗ്രസ് കമ്മിറ്റി എസ്.പി ഓഫീസിലേക്ക് നടത്തിയ മാർച്ച് അക്രമാസക്തമായി. തൊടുപുഴ അൽ അസർ ലാ കോളേജിലെ മോഫിയയുടെ സഹപാഠികൾ എസ്.പി ഓഫീസിനു മുന്നിൽ പ്രതിഷേധിച്ചു. ആലുവ പൊലീസ് സ്റ്റേഷനിൽ കോൺഗ്രസിന്റെ നേതൃത്വത്തിൽ ബുധനാഴ്ച രാവിലെയാരംഭിച്ച കുത്തിയിരിപ്പ് സമരം തുടരുകയാണ്.

എസ്.പി ഓഫീസിലേക്ക് മാർച്ച് നടത്തിയ കോൺഗ്രസ് പ്രവർത്തകർ പൊലീസിന് നേരെ കല്ലേറ് നടത്തി. ടയർ കത്തിച്ച് എറിയാനും ശ്രമിച്ചു. തുടർന്ന് പൊലീസ് ജലപീരങ്കിയും കണ്ണീർവാതകവും പ്രയോഗിച്ചു. കെ.എസ്.യു സംസ്ഥാന സെക്രട്ടറി പി.എച്ച്. അസ്ലം ഉൾപ്പെടെ ഏഴ് പേർക്ക് പരിക്കേറ്റു. രണ്ട് മണിക്കൂറോളം സബ് ജയിൽ റോഡ് യുദ്ധക്കളമായി. 14പേരെ പൊലീസ് കസ്റ്റഡിയിലെടുത്തു. മാർച്ച് ഹൈബി ഈഡൻ എം.പി ഉദ്ഘാടനം ചെയ്തു. ഡി.സി.സി പ്രസിഡന്റ് മുഹമ്മദ് ഷിയാസ് ഉൾപ്പെടെ നേതാക്കൾ പങ്കെടുത്തു.

അതിനിടെ മാർച്ചുമായി ബന്ധപ്പെട്ട എല്ലാ നഷ്ടങ്ങളുടെയും ഉത്തരവാദിത്വം ഏറ്റെടുക്കണമെന്ന് കാട്ടി കോൺഗ്രസ് നേതാക്കൾക്ക് പൊലീസ് നോട്ടീസ് നൽകി. എടത്തല സി.ഐ പി.ജെ. നോബിളാണ് ഡി.സി.സി പ്രസിഡന്റിനും ജനറൽ സെക്രട്ടറി ബാബു പുത്തനങ്ങാടിക്കും നോട്ടീസ് കൈമാറിയത്. ഇരുവരോടും കത്തിൽ ഒപ്പുവച്ച് തരണമെന്ന് പൊലീസ് ആവശ്യപ്പെട്ടെങ്കിലും വഴങ്ങിയില്ല.

 വി​ദ്യാർത്ഥി​കളെ അറസ്റ്റ് ചെയ്യാനുള്ള നീക്കം തടഞ്ഞു

എസ്.പി ഓഫീസിനു മുന്നിലേക്ക് പ്രതിഷേധവുമായെത്തിയ തൊടുപുഴ അൽ അസർ ലാ കോളേജിലെ മോഫിയയുടെ സഹപാഠികളെ കസ്റ്റഡിയിലെടുത്ത് അറസ്റ്റ് രേഖപ്പെടുത്താനുള്ള ശ്രമം ഡീൻ കുര്യാക്കോസ് എം.പിയുടെ ഇടപെടലിനെ തുടർന്ന് പൊലീസ് ഉപേക്ഷിച്ചു. വൈകിട്ട് നാലരയോടെയാണ് പെൺകുട്ടികളടക്കം മുപ്പതോളം വിദ്യാർത്ഥികൾ എത്തിയത്. ഇവരെ പൊലീസ് തടഞ്ഞു. പ്രതിഷേധം ഷാനിമോൾ ഉസ്മാൻ ഉദ്ഘാടനം ചെയ്തശേഷം എസ്.പിക്ക് നിവേദനം നൽകാൻ നാല് വിദ്യാർത്ഥികളെ കടത്തിവിടാമെന്ന് പൊലീസ് സമ്മതിച്ചെങ്കിലും പിന്നാലെ എല്ലാവരെയും കസ്റ്റഡിയിലെടുത്ത് കളമശേരി എ.ആർ.ക്യാമ്പിലേക്ക് കൊണ്ടുപോയി. ഫോണുകൾ വാങ്ങിവച്ച ശേഷം അറസ്റ്റ് രേഖപ്പെടുത്താൻ എടത്തല സ്റ്റേഷനിലേക്ക് മാറ്റി. വിവരമറിഞ്ഞ് എത്തിയ ഡീൻ കുര്യാക്കോസ് സ്റ്റേഷനിൽ കുത്തിയിരുന്ന് പ്രതിഷേധിച്ചതിനെ തുടർന്ന് എസ്.പി ഇടപെട്ട് കേസെടുക്കാതെ കുട്ടികളെ ആറരയോടെ വിട്ടയച്ചു. എ.ആർ.ക്യാമ്പിൽ വച്ച് തങ്ങളെ ക്രൂരമായി പൊലീസ് മർദ്ദിച്ചെന്നും ഇതിനെതിരെ മുഖ്യമന്ത്രിക്ക് വീഡിയോ സഹിതം പരാതി നൽകുമെന്നും വിദ്യാർത്ഥികൾ പറഞ്ഞു.

'​ക​ണ്ടു​ ​കൊ​തി​ ​തീ​ർ​ന്നി​ല്ല പൊ​ന്നു​മോ​ളെ...'
സ​മ​ര​കേ​ന്ദ്ര​ത്തി​ൽ​ ​വി​ങ്ങി​പ്പൊ​ട്ടി​ ​മോ​ഫി​യ​യു​ടെ​ ​മാ​താ​വ്

ആ​ലു​വ​:​ ​'​അ​വ​ളെ​ ​സി.​ഐ​ ​ഒ​ന്ന് ​സാ​ന്ത്വ​നി​പ്പി​ച്ചി​രു​ന്നെ​ങ്കി​ൽ​ ​എ​ന്റെ​ ​മ​ക​ൾ​ ​ഇ​ന്നും​ ​ജീ​വി​ച്ചി​രു​ന്നേ​നെ.​ ​ക​ണ്ടു​ ​കൊ​തി​തീ​ർ​ന്നി​ല്ല​ ​പൊ​ന്നു​മോ​ളെ...​'​ ​ജ​ന​പ്ര​തി​നി​ധി​ക​ൾ​ക്ക് ​മു​മ്പി​ൽ​ ​വി​ങ്ങി​പ്പൊ​ട്ടി​ ​മോ​ഫി​യാ​ ​പ​ർ​വീ​നി​ന്റെ​ ​മാ​താ​വ് ​ഫാ​രി​​​ഷ​ ​പ​റ​ഞ്ഞ​ ​വാ​ക്കു​ക​ൾ​ ​ക​ണ്ടു​നി​ന്ന​വ​രെ​യും​ ​ക​ണ്ണീ​രി​ലാ​ഴ്ത്തി.​ ​ആ​രോ​പ​ണ​വി​ധേ​യ​നാ​യ​ ​ആ​ലു​വ​ ​സി.​ഐ​യെ​ ​സ​ർ​വീ​സി​ൽ​ ​നി​ന്ന് ​സ​സ്‌​പെ​ൻ​ഡ് ​ചെ​യ്യ​ണ​മെ​ന്നാ​വ​ശ്യ​പ്പെ​ട്ട് ​ആ​ലു​വ​ ​പൊ​ലീ​സ് ​സ്റ്റേ​ഷ​നി​ൽ​ ​കു​ത്തി​യി​രി​പ്പ് ​സ​മ​രം​ ​ന​ട​ത്തു​ന്ന​ ​ബെ​ന്നി​ ​ബ​ഹ​നാ​ൻ​ ​എം.​പി,​ ​എം.​എ​ൽ.​എ​മാ​രാ​യ​ ​അ​ൻ​വ​ർ​ ​സാ​ദ​ത്ത്,​ ​റോ​ജി​ ​എം.​ജോ​ൺ​ ​എ​ന്നി​വ​രു​ടെ​ ​അ​ടു​ത്തെ​ത്തി​യാ​ണ് ​ഫാ​രി​ഷ​ ​വി​​​ങ്ങി​​​പ്പൊ​ട്ടി​​​യ​ത്.
ആ​ലു​വ​ ​പ​ള്ളി​യി​ൽ​ ​മോ​ഫി​യ​യെ​ ​സം​സ്ക​രി​ച്ച​ ​സ്ഥ​ല​ത്ത് ​ഭ​ർ​ത്താ​വ് ​ദി​ൽ​ഷാ​ദി​നൊ​പ്പം​ ​പ്രാ​ർ​ത്ഥി​ച്ച് ​മ​ട​ങ്ങു​മ്പോ​ഴാ​ണ് ​സ​മ​ര​കേ​ന്ദ്ര​ത്തി​ലെ​ത്തി​യ​ത്.

ജ​നാ​ധി​പ​ത്യ​ ​മ​ഹി​ളാ​ ​അ​സോ​സി​യേ​ഷ​ൻ​ ​സം​സ്ഥാ​ന​ ​സെ​ക്ര​ട്ട​റി​ ​സി.​എ​സ്.​ ​സു​ജാ​ത,​ ​ബി.​ജെ.​പി​ ​സം​സ്ഥാ​ന​ ​പ്ര​സി​ഡ​ന്റ് ​കെ.​ ​സു​രേ​ന്ദ്ര​ൻ,​ ​മു​സ്ലീം​ലീ​ഗ് ​സം​സ്ഥാ​ന​ ​ജ​ന​റ​ൽ​ ​സെ​ക്ര​ട്ട​റി​ ​പി.​എം.​എ​ ​സ​ലാം,​ ​ആ​ർ.​എം.​പി​ ​നേ​താ​വ് ​കെ.​കെ.​ ​ര​മ​ ​എം.​എ​ൽ.​എ​ ​എ​ന്നി​വ​ർ​ ​ഉ​ൾ​പ്പെ​ടെ​ ​നി​ര​വ​ധി​പേ​ർ​ ​ഇ​ന്ന​ലെ​ ​മോ​ഫി​യ​യു​ടെ​ ​വീ​ട്ടി​ലെ​ത്തി​ ​മാ​താ​പി​താ​ക്ക​ളെ​ ​ആ​ശ്വ​സി​പ്പി​ച്ചു.

​ ​വേ​ദ​ന​യാ​യി​ ​പി​താ​വി​ന്റെ​ ​കു​റി​പ്പ്


ഞാ​നും​ ​മ​ക​ൾ​ക്കൊ​പ്പം​ ​പോ​കു​മെ​ന്ന് ​മോ​ഫി​​​യ​യു​ടെ​ ​പി​​​താ​വ് ​ദി​​​ൽ​ഷാ​ദ് ​ക​ഴി​ഞ്ഞ​ദി​വ​സം​ ​ഫേ​സ്ബു​ക്കി​ൽ​ ​കു​റി​ച്ച​ത് ​എ​ല്ലാ​വ​രേ​യും​ ​വേ​ദ​നി​പ്പി​ച്ചു.​ ​'​എ​ന്റെ​ ​മ​ക​ൾ​ ​ക​ര​ളി​ന്റെ​ ​ഭാ​ഗ​മാ​ണ്.​ ​ഞാ​നും​ ​പോ​കും​ ​മോ​ളു​ടെ​ ​അ​ടു​ത്തേ​ക്ക്.​ ​അ​വ​ൾ​ ​ഒ​റ്റ​യ്ക്കാ​ണ്.​ ​എ​ന്നും​ ​ഞാ​നാ​യി​രു​ന്നു​ ​അ​വ​ളു​ടെ​ ​തു​ണ.​ ​അ​വ​ൾ​ക്ക് ​സോ​ൾ​വ് ​ചെ​യ്യാ​ൻ​ ​പ​റ്റാ​ത്ത​ ​എ​ന്തു​ ​പ്ര​ശ്ന​ത്തി​നും​ ​എ​ന്നെ​ ​വി​ളി​ക്കും.​ ​ഇ​ക്കു​റി​ ​മാ​ത്രം​ ​വി​ളി​ച്ചി​ല്ല.​ ​ഞാ​ൻ​ ​വി​ട്ടു​കൊ​ടു​ക്കാ​ൻ​ ​ത​യ്യാ​റ​ല്ല,​ ​ദൈ​വ​വു​മാ​യി​ ​പി​ടി​പാ​ട് ​കു​റ​വാ​ണ്.​ ​എ​ന്നാ​ലും​ ​ഒ​ന്ന് ​ട്രൈ​ ​ചെ​യ്ത് ​നോ​ക്കാം.​'​'​ ​എ​ന്നാ​ണ് ​ദി​​​ൽ​ഷാ​ദി​​​ന്റെ​ ​വേ​ദ​നി​​​പ്പി​​​ക്കു​ന്ന​ ​വ​രി​​​ക​ൾ.


​ ​ഭ​ർ​ത്താ​വും​ ​മാ​താ​പി​താ​ക്ക​ളും​ ​റി​മാ​ൻ​ഡിൽ
മോ​ഫി​യ​ ​ജീ​വ​നൊ​ടു​ക്കി​യ​തു​മാ​യി​ ​ബ​ന്ധ​പ്പെ​ട്ട​ ​കേ​സി​ൽ​ ​ക​ഴി​ഞ്ഞ​ ​ദി​വ​സം​ ​അ​റ​സ്റ്റി​ലാ​യ​ ​ഭ​ർ​ത്താ​വ് ​കോ​ത​മം​ഗ​ലം​ ​ഇ​രു​മ​ല​പ്പ​ടി​ ​കു​റ്റി​ല​ഞ്ഞി​ ​മ​ലേ​ക്കു​ടി​ ​മു​ഹ​മ്മ​ദ് ​സു​ഹൈ​ൽ​ ​(27​),​ ​ഭ​ർ​ത്തൃ​മാ​താ​വ് ​റു​ഖി​യ​ ​(55​),​ ​ഭ​ർ​ത്തൃ​പി​താ​വ് ​യൂ​സ​ഫ് ​(63​)​ ​എ​ന്നി​വ​രെ​ ​ആ​ലു​വ​ ​കോ​ട​തി​ ​റി​മാ​ൻ​ഡ് ​ചെ​യ്തു.​ ​റു​ഖി​യ​യെ​ ​കാ​ക്ക​നാ​ട് ​വ​നി​താ​ ​ജ​യി​ലി​ലും​ ​സു​ഹൈ​ലി​നെ​യും​ ​യൂ​സ​ഫി​നെ​യും​ ​മൂ​വാ​റ്റു​പു​ഴ​ ​ജ​യി​ലി​ലു​മാ​ണ് ​റി​മാ​ൻ​ഡ് ​ചെ​യ്ത​ത്.

മോ​ഫി​യ​യു​ടെ​ ​ആ​ത്മ​ഹ​ത്യ; വ​നി​ത​ ​ക​മ്മി​ഷ​ൻ​ ​കേ​സെ​ടു​ക്കും

കോ​ഴി​ക്കോ​ട്:​ ​ആ​ലു​വ​യി​ൽ​ ​ഭ​ർ​ത്താ​വി​ന്റെ​യും​ ​ഭ​ർ​തൃ​വീ​ട്ടു​കാ​രു​ടെ​യും​ ​പീ​ഡ​ന​ത്തെ​ ​തു​ട​ർ​ന്ന് ​നി​യ​മ​ ​വി​ദ്യാ​ർ​ത്ഥി​നി​ ​മോ​ഫി​യ​ ​പ​ർ​വീ​ൻ​ ​ആ​ത്മ​ഹ​ത്യ​ ​ചെ​യ്ത​ ​സം​ഭ​വ​ത്തി​ൽ​ ​വ​നി​ത​ ​ക​മ്മി​ഷ​ൻ​ ​സ്വ​മേ​ധ​യാ​ ​കേ​സെ​ടു​ക്കു​മെ​ന്ന് ​ചെ​യ​ർ​പേ​ഴ്സ​ൺ​ ​പി.​സ​തീ​ദേ​വി​ ​പ​റ​ഞ്ഞു.​ ​യു​വ​തി​യു​ടെ​ ​പ​രാ​തി​ ​കൈ​കാ​ര്യം​ ​ചെ​യ്യു​ന്ന​തി​ൽ​ ​സി.​ഐ​യ്ക്ക് ​വീ​ഴ്ച​ ​വ​ന്നി​ട്ടു​ണ്ടെ​ന്നാ​ണ് ​മ​ന​സ്സി​ലാ​വു​ന്ന​ത്.​ ​പ​രാ​തി​ക്കാ​രി​യോ​ട് ​സി.​ഐ​ ​മോ​ശ​മാ​യി​ ​പെ​രു​മാ​റി.​ ​ഉ​ത്ര​ ​കേ​സി​ലും​ ​ഇ​തേ​ ​പ​രാ​തി​ ​ഉ​യ​ർ​ന്ന​താ​ണ്.​ ​സം​ഭ​വ​ത്തി​ൽ​ ​പൊ​ലീ​സി​നോ​ട് ​വി​ശ​ദീ​ക​ര​ണം​ ​തേ​ടി​യി​ട്ടു​ണ്ട്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: CONGRESS
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.