ന്യൂഡൽഹി: മൂന്ന് വർഷത്തെ ഇടവേളയ്ക്ക് ശേഷം വീണ്ടും പറന്നുയരാനൊരുങ്ങി ജെറ്റ് എയർവേയ്സ്. സർവീസുകൾ പുനരാരംഭിക്കാനായി ഡയറക്ടറേറ്റ് ജനറൽ ഒഫ് സിവിൽ ഏവിയേഷനിൽ (ഡി ജി സി എ) നിന്ന് ഇന്നാണ് കമ്പനിയ്ക്ക് എയർ ഓപ്പറേറ്റർ സർട്ടിഫിക്കറ്റ് (എ ഒ സി) ലഭിച്ചത്.
ജെറ്റ് എയർവേയ്സിന്റെ അഞ്ച് ഫ്ലൈറ്റുകളുടെ ലാൻഡിംഗ് പ്രക്രിയ വിജയകരമായി പൂർത്തിയാക്കിയതിനെത്തുടർന്നാണ് ഡി ജി സി എ കമ്പനിയ്ക്ക് ഓപ്പറേറ്റർ സർട്ടിഫിക്കറ്റ് നൽകിയത്. മേയ് 15 നും 17 നുമാണ് പരീക്ഷണ ലാൻഡിംഗ് നടത്തിയത്. പരീക്ഷണപ്പറക്കലിന്റെയും ലാൻഡിംഗിന്റെയും സമയത്ത് ഡി ജി സി എ ഉദ്യോഗസ്ഥരും വിമാനത്തിനുള്ളിലുണ്ടായിരുന്നു.
Proving flights completed? Check ✅#TheJoyIsComingBack pic.twitter.com/6GJM1ORJQE
— Jet Airways (@jetairways) May 17, 2022
നരേഷ് ഗോയലിന്റെ ഉടമസ്ഥതയിലായിരുന്ന ജെറ്റ് എയർവേയ്സ് ഇനി പ്രവർത്തനം നടത്തുക ജലാൻ കൽറോക്ക് കൺസോർഷ്യത്തിന് കീഴിലായിരിക്കും. ജൂലായ് സെപ്തംബർ പാദത്തിലായിരിക്കും ജെറ്റ് എയർവെയ്സ് പ്രവർത്തനങ്ങൾ പുനരാരംഭിക്കുക.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |