SignIn
Kerala Kaumudi Online
Sunday, 25 September 2022 1.31 AM IST

തോക്കിന് ലൈസൻസെടുത്താൽ മാത്രം പോരാ, വെടിവയ്പ്പ് പരിശീലനവുമായി പൊലീസ്

police-

തിരുവനന്തപുരം: തോക്കുംവാങ്ങി, ലൈസൻസ് സമ്പാദിച്ചാൽ മാത്രം പോര, അത് കൃത്യമായി ഉപയോഗിക്കാനും അറിയണം. അതിനായി പൊലീസ് ജനങ്ങൾക്ക് വെടിവയ്ക്കുന്നതിന് ഉൾപ്പെടെ പരിശീലനം നൽകും. തോക്ക് ലൈസൻസിന് അപേക്ഷിക്കുമ്പോൾ ഈ പരിശീലന സർട്ടിഫിക്കറ്റ് നിർബന്ധം. കേന്ദ്ര നിർദ്ദേശപ്രകാരമാണിത്. ലൈസൻസ് നേടുന്നതിനുള്ള പരിശീലനം സംബന്ധിച്ച്‌ പ്രത്യേക മാനദണ്ഡം കേന്ദ്ര സർക്കാർ വൈകാതെ പുറത്തിറക്കും. പരിശീലനത്തിനുള്ള ഫീസും സിലബസും നിശ്ചയിച്ച്‌ പൊലീസ്‌ മേധാവി ഉത്തരവിറക്കി.

എട്ട് സായുധ ബ​റ്റാലിയനുകളിലാകും പരിശീലനം. കാലയളവ് 13 ദിവസം. വിവിധതലങ്ങളിലെ പരിശീലനത്തിന് ഫീസ് 1000 മുതൽ 5000 രൂപവരെ. ജനുവരി, ഏപ്രിൽ, ജൂലായ്, ഒക്ടോബർ മാസങ്ങളിലെ രണ്ടാം വാരത്തിലാവും പരിശീലനം. 13-ാം ദിവസം സിലബസ് അടിസ്ഥാനമാക്കി എഴുത്തു പരീക്ഷ. പരിശീലനം വിജയകരമായി പൂർത്തിയാക്കുന്നവർക്ക് ഫോം എസ് ഒന്ന് പ്രകാരമുള്ള സർട്ടിഫിക്ക​റ്റ് നൽകും. കുടുംബവക തോക്കുള്ളവർക്കുംമറ്റും ലൈസൻസ് കൈമാ​റ്റം ചെയ്തു കിട്ടുമെങ്കിലും അത് സൂക്ഷിക്കാൻ പ്രത്യേകം ലൈസൻസ് നേടണം. കു​റ്റകൃത്യങ്ങളിൽ ഉൾപ്പെട്ടവരാണെങ്കിൽ പരിശീലനം നൽകില്ല.

ഫീസ് ഘടന

 ഫയറിംഗ് ടെസ്​റ്റ്- 5000

 എഴുത്തു പരീക്ഷ- 1000

 തോക്ക് വൃത്തിയാക്കൽ- 1000

 പരിശീലന തയ്യാറെടുപ്പിനും നടപടി ക്രമങ്ങൾക്കും- 1000

 പ്രവർത്തനം മനസിലാക്കാൻ- 1000

 ആയുധ നിയമത്തെക്കുറിച്ച് ക്ളാസ്- 1000

 സുരക്ഷിതമായി കൈകാര്യം ചെയ്യാൻ- 1000

 തോക്കും തിരകളും സൂക്ഷിക്കുന്നത് അറിയാൻ- 1000

കേരളത്തിലെ തോക്ക് ലൈസൻസ്

 നിയമസഭാ രേഖയിൽ- 8191

 കേന്ദ്രസർക്കാർ കണക്കിൽ- 9,459

ലൈസൻസ് ലഭിക്കാൻ

 കളക്ടറുടെ മേൽനോട്ടത്തിൽ തോക്കിന്റെ ആവശ്യത്തെക്കുറിച്ച് ജില്ലാ പൊലീസ് മേധാവി, ആർ.ഡി.ഒ, ഡിവിഷണൽ ഫോറസ്റ്റ് ഓഫീസർ എന്നിവരുടെ അന്വേഷണം

 ക്രിമിനൽ പശ്ചാത്തലത്തെക്കുറിച്ചടക്കം പരിശോധന

 മാനസികാരോഗ്യം ഉള്ളവരാണെന്ന റിപ്പോർട്ട്

 തോക്ക് സൂക്ഷിക്കാൻ ലോക്കർപോലുള്ള സുരക്ഷിതസംവിധാനം

 ലൈസൻസ് കാലാവധി 5 വർഷം, വാർഷികഫീസ് 500 രൂപ

 പ്രതിവ‌ർഷം അനുവദിക്കുന്നത് 200 ബുള്ളറ്റുകൾ

 ഒരുസമയം കൈവശം വയ്ക്കാവുന്നത് നൂറെണ്ണം

 ഇവർക്ക് കിട്ടില്ല

ജയിൽശിക്ഷയനുഭവിച്ചവർ, ക്രിമിനൽകേസിൽ പെട്ടവർ, സ്ത്രീകളെയും കുട്ടികളെയും ആക്രമിച്ചവർ, മാനസികവൈകല്യമുള്ളവർ, പൊലീസ് സംരക്ഷണം കിട്ടുന്നവർ

തോക്ക് ലൈസൻസ്, ജില്ല തിരിച്ച്

 തിരുവനന്തപുരം- 310

 കൊല്ലം- 190

 പത്തനംതിട്ട- 480

 ആലപ്പുഴ-126

 കോട്ടയം-1603

 ഇടുക്കി- 428

 എറണാകുളം- 1633

 തൃശൂർ- 473

 പാലക്കാട്- 83

 മലപ്പുറം- 769

 കോഴിക്കോട്- 228

 വയനാട്- 148

 കണ്ണൂർ- 738

 കാസർകോട്- 982

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: POLICE
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.