SignIn
Kerala Kaumudi Online
Thursday, 18 August 2022 6.42 AM IST

സോളാർ വേലിയിൽ നിന്ന് ഷോക്കേറ്ര് വീട്ടമ്മ മരിച്ചു  ദുരൂഹത ആരോപിച്ച് ബന്ധുക്കൾ

santhamma-abraham

കോന്നി: വീടിനു സമീപത്തെ പുരയിടത്തിൽ വിറക് ശേഖരിക്കാൻ പോയ വീട്ടമ്മ സോളാർ വൈദ്യുത വേലിയിൽ കുടുങ്ങി ഷോക്കേറ്റ് മരിച്ച സംഭവത്തിൽ ദുരൂഹതയുണ്ടെന്ന് ബന്ധുക്കൾ ആരോപിച്ചു. മലയാലപ്പുഴ വള്ളിയാനി ചരിവു പുരയിടത്തിൽ ശാന്തമ്മ എബ്രഹാമാണ് (63)​ മരിച്ചത്. ശനിയാഴ്ച വൈകിട്ട് 5.30ന് ആയിരുന്നു സംഭവം. ശാന്തമ്മ 6.30 ആയിട്ടും തിരിച്ചെത്താത്തതിനെ തുടർന്ന് ഭർത്താവ് എബ്രഹാം തോമസ് അന്വേഷിച്ച് ചെന്നപ്പോഴാണ് സമീപവാസിയുടെ പുരയിടത്തിൽ വൈദ്യുത വേലിയിൽ കുടുങ്ങിയ നിലയിൽ കണ്ടത്. രക്ഷിക്കാൻ ശ്രമിച്ചപ്പോൾ എബ്രഹാമിനും ഷോക്കേറ്റു. വടി ഉപയോഗിച്ച് ലൈൻ തട്ടിമാറ്റിയ ശേഷമാണ് രക്ഷാപ്രവർത്തനം നടത്താനായത്. ശാന്തമ്മയെ പത്തനംതിട്ടയിലെ ആശുപത്രിയിൽ എത്തിച്ചെങ്കിലും ജീവൻ നഷ്ടമായിരുന്നു. സോളാർ വേലിയിൽ നിന്ന് ഷോക്കേറ്റ് മരിക്കാനുള്ള സാദ്ധ്യത വളരെക്കുറവാണ്. ഇതാണ് സംശയത്തിന് ഇടനൽകുന്നത്. സംഭവത്തിൽ ദുരൂഹതയുള്ളതായി എബ്രഹാം പൊലീസിന് മൊഴിനൽകി. കാട്ടുപന്നികളെ തുരത്താനായി വേലിയിൽ ഇലക്ട്രിക്ക് ലൈനിൽ നിന്നുള്ള വൈദ്യുതി കടത്തിവിട്ടിരുന്നോ എന്നും സംശയമുണ്ട്. പന്നിയുടെ ശല്യം രൂക്ഷമായ പ്രദേശത്ത് സോളാർ വേലികളിൽ രാത്രി ഇത്തരത്തിൽ വൈദ്യുതി കടത്തിവിടാറുണ്ട്. പ്രാഥമിക പരിശോധനയിൽ സോളാർ വേലിയിൽ ഇലക്ട്രിക്ക് ലൈനിൽ നിന്നുള്ള വൈദ്യുതി കടത്തിവിട്ടതായുള്ള സൂചനകൾ ലഭിച്ചിട്ടില്ലെന്ന് മലയാലപ്പുഴ പൊലീസ് എസ്.എച്ച്.ഒ കെ.എസ്. വിജയൻ പറഞ്ഞു. മൃതദേഹം പോസ്റ്റുമോർട്ടത്തിന് ശേഷം ബന്ധുക്കൾക്ക് വിട്ടുനൽകി. സംസ്‌കാരം ഇന്ന് നടക്കും. മക്കൾ: സന്തോഷ് തോമസ്, മിനി തോമസ്, മരുമകൻ: റെന്നി എബ്രഹാം.

സോ​ളാ​ർ​ ​ക​ണ​ക്ഷ​നി​ൽ​ ​നി​ന്ന് ​ഷോ​ക്കേ​റ്റാ​ൽ​ ​മ​ര​ണം​ ​സം​ഭ​വി​ക്കി​ല്ല.​ ​ഹൈ​ ​വോ​ൾ​ട്ടേ​ജ്,​ ​ലോ​ ​ക​റ​ന്റ് ​പ​ൾ​സാ​ണ് ​സോ​ളാ​റി​ലു​ള്ള​ത്.​ ​ഇ​തി​ൽ​ ​തൊ​ടു​ന്ന​യാ​ൾ​ക്ക് ​ഷോ​ക്കേ​റ്റാ​ൽ​ ​തെ​റി​ച്ചു​ ​പോ​വു​ക​യേ​ ​ഉ​ള്ളൂ.​ ​മ​റ്റ് ​വൈ​ദ്യു​തി​ ​ലൈ​നു​ക​ളി​ൽ​ ​നി​ന്നു​ള്ള​ ​ഷോ​ക്കാ​ണ് ​മ​ര​ണ​ത്തി​ന് ​കാ​ര​ണ​മാ​വു​ക.
അ​നീ​ഷ്.​എ​സ്.​പ്ര​സാ​ദ്
ചീ​ഫ് ​ടെ​ക്നി​ക്ക​ൽ​ ​മാ​നേ​ജ​ർ,​ ​അ​നെ​ർ​ട്ട്

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: DEATH
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.