ന്യൂഡൽഹി: ശതകോടീശ്വരൻ രാകേഷ് ജുൻജുൻവാലയുടെ നേതൃത്വത്തിലുള്ള ആകാശ എയറിന് സിവിൽ വ്യോമയാന ഡയറക്ടറേറ്റ് ലൈസൻസ് (എയർ ഒാപ്പറേറ്റ് സർട്ടിഫിക്കറ്റ്) അനുവദിച്ചു. ഈ മാസം അവസാനത്തോടെ രണ്ട് വിമാനങ്ങളുമായി കൊമേഴ്സ്യൽ സർവീസ് തുടങ്ങുമെന്ന് ആകാശ എയർ സ്ഥാപകനും സി.ഇ.ഒയുമായ വിനോദ് ദുബെ അറിയിച്ചു. 2022-23 വർഷത്തിൽ 18 വിമാനങ്ങൾ സ്വന്തമാക്കുമെന്നും തുടർന്ന് ഒാരോ വർഷവും 12-14 വിമാനങ്ങൾ വീതം ചേർത്ത് അഞ്ചു വർഷത്തിനകം 72 വിമാനങ്ങളുമായി സർവീസ് വിപുലീകരിക്കാനുമാണ് ലക്ഷ്യമിടുന്നതെന്ന് ദുബെ പറഞ്ഞു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |