തിരുവനന്തപുരം: കേരള തീരങ്ങളില് ഇന്നും, കര്ണാടക തീരങ്ങളില് ഇന്ന് മുതല് ഈ മാസം 15 വരെയും മത്സ്യബന്ധനത്തിന് പോകാന് പാടില്ലെന്ന് കേന്ദ്ര കാലാവസ്ഥ വകുപ്പ്. ലക്ഷദ്വീപ് തീരങ്ങളില് മത്സ്യബന്ധനത്തിന് തടസമില്ല.
കേരള തീരങ്ങളില് ഇന്നും, കര്ണാടക തീരത്ത് ഇന്ന് മുതല് 13 വരെയും മണിക്കൂറില് 45 മുതല് 55 കിലോമീറ്റര് വേഗതയിലും, ചില അവസരങ്ങളില് 65 കിലോമീറ്റര് വേഗതയിലും 14,15 തീയതികളില് മണിക്കൂറില് 40 മുതല് 50 കിലോമീറ്റര് വേഗതയിലും ചില അവസരങ്ങളില് 60 കിലോമീറ്റര് വേഗതയിലും ശക്തമായ കാറ്റിന് സാദ്ധ്യതയുണ്ട്. ഇന്ന് വടക്ക് കേരള തീരം അതിനോട് ചേര്ന്നുള്ള തെക്ക്-കിഴക്കന് അറബിക്കടല്, മദ്ധ്യ-കിഴക്കന് അറബിക്കടല്, ആന്ധ്രാ പ്രദേശ് തീരം അതിനോട് ചേര്ന്നുള്ള മധ്യ-പടിഞ്ഞാറന് ബംഗാള് ഉള്ക്കടല്, മണിക്കൂറില് 45 മുതല് 55 കിലോമീറ്റര് വേഗതയിലും ചില അവസരങ്ങളില് 65 കിലോമീറ്റര് വേഗതയിലും കന്യാകുമാരി തീരത്തും ഗള്ഫ് ഒഫ് മാന്നാര് അതിനോട് ചേര്ന്നുള്ള തെക്ക് തമിഴ്നാട് തീരം എന്നിവിടങ്ങളില് മണിക്കൂറില് 35 മുതല് 45 കിലോമീറ്റര് വേഗതയിലും ശക്തമായ കാറ്റിനും മോശം കാലാവസ്ഥക്കും സാദ്ധ്യത.
നാളെ കന്യാകുമാരി തീരം, ഗള്ഫ് ഒഫ് മാന്നാര്, അതിനോട് ചേര്ന്നുള്ള തെക്ക് തമിഴ്നാട് തീരം എന്നിവിടങ്ങളില് മണിക്കൂറില് 35 മുതല് 45 കിലോമീറ്റര് വേഗതയിലും മദ്ധ്യ-കിഴക്കന് അറബിക്കടലില് മണിക്കൂറില് 45 മുതല് 55 കിലോമീറ്റര് വേഗതയിലും ചില അവസരങ്ങളില് 65 കിലോമീറ്റര് വേഗതയിലും ശക്തമായ കാറ്റിനും മോശം കാലാവസ്ഥക്കും സാദ്ധ്യത. ആഗസ്റ്റ് 13ന് മദ്ധ്യ കിഴക്കന് അറബിക്കടല്, ആന്ധ്രാ പ്രദേശ് തീരം അതിനോട് ചേര്ന്നുള്ള മദ്ധ്യ-പടിഞ്ഞാറന് ബംഗാള് ഉള്ക്കടല് എന്നിവിടങ്ങളില് മണിക്കൂറില് 45 മുതല് 55 കിലോമീറ്റര് വേഗതയിലും ചില അവസരങ്ങളില് 65 കിലോമീറ്റര് വേഗതയിലും ശക്തമായ കാറ്റിനും മോശം കാലാവസ്ഥക്കും സാദ്ധ്യത. ഓഗസ്റ്റ് 14ന് ആന്ധ്രാപ്രദേശ് തീരം അതിനോട് ചേര്ന്നുള്ള മദ്ധ്യ-പടിഞ്ഞാറന് ബംഗാള് ഉള്ക്കടല് എന്നിവിടങ്ങളില് മണിക്കൂറില് 45 മുതല് 55 കിലോമീറ്റര് വേഗതയിലും ചില അവസരങ്ങളില് 65 കിലോമീറ്റര് വേഗതയിലും മദ്ധ്യ കിഴക്കന് അറബിക്കടലില് മണിക്കൂറില് 40 മുതല് 50 കിലോമീറ്റര് വേഗതയിലും ചില അവസരങ്ങളില് 60 കിലോമീറ്റര് വേഗതയിലും ശക്തമായ കാറ്റിനും മോശം കാലാവസ്ഥക്കും സാദ്ധ്യത.
ഓഗസ്റ്റ് 15ന് ആന്ധ്രാപ്രദേശ് തീരം അതിനോട് ചേര്ന്നുള്ള മദ്ധ്യ-പടിഞ്ഞാറന് ബംഗാള് ഉള്ക്കടല്, മദ്ധ്യ കിഴക്കന് അറബിക്കടല് എന്നിവിടങ്ങളില് മണിക്കൂറില് 40 മുതല് 50 കിലോമീറ്റര് വേഗതയിലും ചില അവസരങ്ങളില് 60 കിലോമീറ്റര് വേഗതയില് ശക്തമായ കാറ്റിനും മോശം കാലാവസ്ഥക്കും സാദ്ധ്യത.
ഈ സാഹചര്യത്തില് മേല്പ്പറഞ്ഞ പ്രദേശങ്ങളില് മുന്നറിയിപ്പുള്ള തീയതിയില് മല്സ്യബന്ധനത്തിന് പോകാന് പാടില്ലെന്ന് ജില്ലാ കളക്ടര് ജെറോമിക് ജോര്ജ് അറിയിച്ചു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |