കോട്ടയം. യുവാവിന്റെ മാല മോഷ്ടിക്കാൻ ശ്രമിച്ച രണ്ടു പേർ പിടിയിൽ. എരുമേലി ആറ്റാത്തറയിൽ മുനീർ (32), എരുമേലി നെല്ലിത്താനം മുബാറക്ക് (24) എന്നിവരെയാണ് എരുമേലി പൊലീസ് അറസ്റ്റ് ചെയ്തത്. എരുമേലിയിലുള്ള സ്വകാര്യ പണമിടപാട് സ്ഥാപനത്തിലെ ജീവനക്കാരനായ വിനീഷിന്റെ മാലയാണ് മോഷ്ടിക്കാൻ ശ്രമിച്ചത്. പണമിടപാട് നടത്തുന്നതിന് എന്ന വ്യാജേന എത്തുകയും കൗണ്ടറിൽ ഇരുന്ന വിനീഷിന്റെ കൈയിൽ ബലമായി പിടിച്ചശേഷം മാല പൊട്ടിച്ചെടുക്കാൻ ശ്രമിക്കുകയുമായിരുന്നു. ബഹളംകേട്ട് സഹപ്രവർത്തകർ വന്നപ്പോഴേക്കും പ്രതികൾ കാറിൽ കയറി കടന്നുകളഞ്ഞു. പ്രതികളെ മണിക്കൂറുകൾക്കകം പൊലീസ് പിടികൂടി. ഇരുവരും മറ്റു കേസുകളിലും പ്രതികളാണ്.