SignIn
Kerala Kaumudi Online
Tuesday, 06 December 2022 8.47 AM IST

നഗരത്തിൽ നിന്ന് വെറും അഞ്ച് കിലോമീറ്റർ മാത്രം അകലെ, കായലുകളുടെ സംഗമസ്ഥാനം, മറ്റെങ്ങുമില്ലാത്ത അപൂർവ ദൃശ്യങ്ങളും; സഞ്ചാരികളുടെ പറുദീസയാവാൻ ഈ തീരം

mananakku

വക്കം: പ്രകൃതി കനിഞ്ഞു നൽകിയ ദൃശ്യ ഭംഗിയിൽ സുന്ദരമായ മണനാക്ക് കടവിൽ കായൽ ടൂറിസം പദ്ധതി നടപ്പിലാക്കണമെന്ന ആവശ്യം ശക്തം. അകത്തുമുറി കായലും, കുളമുട്ടം കായലും ഒത്തുചേരുന്ന ഇവിടെ മനോഹരമായ പ്രകൃതി ദൃശ്യങ്ങളും കുളിർമ നൽകുന്ന കാറ്റും ഈ കടവിന്റെ പ്രത്യേകതയാണ്. ഒപ്പംഏറെ പുറം കായൽ ദൃശ്യങ്ങളുമുണ്ട്. തെങ്ങുകളാൽ നിറഞ്ഞ ഈ മേഖല ഒരുകാലത്ത് കയറിന്റെയും തൊണ്ട് തല്ലലിന്റെയും പ്രധാന കേന്ദ്രമായിരുന്നു. ഇവിടെഇന്ന് എല്ലാം അപ്രത്യക്ഷമായി. നിരവധി ലോറികളിൽ എത്തിരുന്ന പച്ചത്തൊണ്ടുകൾ ഇവിടെ നിന്ന് വള്ളങ്ങളിൽ കയറ്റിക്കൊണ്ടുപോയ ചിത്രങ്ങൾ ഓർമ്മയിൽ മാത്രം. കായൽത്തീരങ്ങളിൽ തൊണ്ട് തല്ലുന്നതിന്റെയും, റാട്ടിൽ കയർ പിരിക്കുന്നതിന്റെയും ശബ്ദം ഇന്ന് കേൾക്കാനില്ല. കയർ മേഖലയിൽ 500 ലധികം കുടുംബങ്ങൾ പണിയെടുത്തിരുന്നത് പൂർവ്വ കാലം. പുറം കായലുകളിൽ താമര ഇലകൾ പോലുള്ള വട്ടങ്ങളും, മാലുകളുമില്ല. എല്ലാം പിൻവലിഞ്ഞെങ്കിലും പ്രകൃതി കനിഞ്ഞു നൽകിയ ദൃശ്യഭംഗി കൂടുതൽ മികവോടെ ഇന്നും ഇവിടെ നിലനിൽക്കുന്നു.

സൗകര്യം വേണം

മണനാക്കിൽ ജല ടൂറിസം വികസിപ്പിച്ചെടുത്താൽ വക്കം ഗ്രാമ പഞ്ചായത്തിന്റെ മുഖച്ഛായ തന്നെ മാറും. സഞ്ചാരികളെ ആകർഷിക്കാൻ അടിസ്ഥാന സൗകര്യങ്ങൾ മാത്രമൊരുക്കിയാൽ മതി. ദേശീയപാതയിൽ ആലംകോട്, ആറ്റിങ്ങൽ എന്നിവിടങ്ങൽ നിന്ന് 5 കിലോമീറ്റർ ദൂരം മാത്രം. മണനാക്ക് കടവ് വരെ വാഹന സൗകര്യം നിലവിലുണ്ട്. ഇനി വേണ്ടത് ജലയാത്ര നടത്തുന്നതിനാവശ്യമായ വള്ളങ്ങൾക്കും ബോട്ടുകൾക്കുമുള്ള ജെട്ടികൾ. പിന്നെ കുട്ടികൾക്ക് കളിക്കാനുള്ള പാർക്ക്, പ്രാഥമിക സൗകര്യങ്ങൾ. ഇത്രയും സൗകര്യങ്ങൾ ആദ്യഘട്ടത്തിൽ ഒരുക്കിയാൽ മാത്രം മതി ഇത് പ്രാവർത്തികമാകും.

ജലയാത്ര ആരംഭിച്ചാൽ അകത്തുമുറി റെയിൽവേ സ്റ്റേഷനും, സ്വകാര്യ മെഡിക്കൽ കോളേജും കൈയെത്തും ദൂരത്ത്. ചരിത്രം ഉറങ്ങുന്ന പൊന്നിൻതുരുത്തെന്ന ദീപ് ഈ മേഖലയിലാണ്. ഇതിനു പുറമേ കായൽ മത്സ്യങ്ങൾക്ക് പേരുകേട്ട ഇവിടെ അനുബന്ധ വ്യവസായങ്ങളും നിരവധി തൊഴിൽ അവസരങ്ങളും ഉണ്ടാകും.

പ്രതികരണം

ഏറെ തൊഴിൽ സാദ്ധ്യത പ്രതീക്ഷിക്കുന്ന അകത്തുമുറിക്കായലിലെ മണനാക്ക് കടവ് കേന്ദ്രീകരിച്ച് ജല ടൂറിസം സംഘടിപ്പിച്ചാൽ മണനാക്കിന്റെയും, വക്കം ഗ്രാമ പഞ്ചായത്തിന്റെയും മുഖച്ഛായ തന്നെ മാറി മറിയും.

അനിൽ ദത്ത് .കെ.ആർ, സി. പി.ഐ ലോക്കൽ കമ്മിറ്റി സെക്രട്ടറി, വക്കം

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: MANANAKKU, ATTINGAL, LAKE
KERALA KAUMUDI EPAPER
TRENDING IN LIFESTYLE
VIDEOS
PHOTO GALLERY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.