ഈ മാസത്തിലെ പ്രധാനദിനങ്ങൾ

ഒക്ടോബർ 2
ഗാന്ധി ജയന്തി
ഇന്ത്യയുടെ ആത്മചൈതന്യമായ മഹാത്മാഗാന്ധിയുടെ ജന്മദിനം. ഗാന്ധിജി 1869 ഒക്ടോബർ 2 ന് ഗുജറാത്തിലെ പോർബന്തറിൽ ജനിച്ചു. ഗാന്ധിജിയുടെ ജന്മദിനം അന്താരാഷ്ട്ര അഹിംസാ ദിനമാണ്.
ഒക്ടോബർ 9
ലോക തപാൽ ദിനം
തപാൽ മേഖലയുടെ പ്രാധാന്യത്തെ കുറിച്ച് ജനങ്ങളെ ബോധവത്ക്കരിക്കാൻ എല്ലാ വർഷവും ഒക്ടോബർ 9 ന് ലോക തപാൽ ദിനം ആഘോഷിക്കുന്നു. 1874ൽ, സ്വിറ്റ്സർലാൻഡിലെ ബേണിൽ യൂണിവേഴ്സൽ പോസ്റ്റൽ യൂണിയൻ സ്ഥാപിതമായി.
ഒക്‌ടോബർ 10
മാനസികാരോഗ്യദിനം
ലോകമെമ്പാടുമുള്ള മാനസികാരോഗ്യ പ്രശ്നങ്ങളെക്കുറിച്ച് അവബോധം വളർത്തുകയും മാനസികാരോഗ്യത്തെ പിന്തുണയ്ക്കുന്നതിനുള്ള ശ്രമങ്ങൾ സംഘടിപ്പിക്കുകയും ചെയ്യുക എന്നതാണ് ഈ ദിനത്തിന്റെ ലക്ഷ്യം.
ഒക്‌ടോബർ 15
വൈറ്റ് കെയ്ൻ ദിനം
നാഷണൽ ഫെഡറേഷൻ ഒഫ് ദി ബ്ലൈൻഡ് ഒക്ടോബർ 15 ന് ലോക വൈറ്റ് കെയ്ൻ (വെള്ളവടി)ദിനം ആചരിക്കുന്നു. അന്ധരായ ആളുകളുടെ ജീവിതത്തിലെ സഹായിയാണ് അവർക്ക് വഴി കാട്ടുന്ന വെള്ളവടി.