SignIn
Kerala Kaumudi Online
Thursday, 02 February 2023 6.24 AM IST

മഴ മത്സരം കൊണ്ടുപോയിട്ടും രോഷം ഒട്ടും കുറയാതെ സഞ്‌ജു ആരാധകർ; ബിസിസിഐയ്‌ക്ക് നേരെ സമൂഹമാദ്ധ്യമങ്ങളിൽ രൂക്ഷ വിമർശനം

sanju

ഹാമിൽടൺ: ഇന്ത്യയുടെ ന്യൂസിലാൻഡ് പര്യടനത്തിലെ രണ്ടാം ഏകദിനം ഇന്ന് കടുത്ത മഴയിൽ മുങ്ങി ഉപേക്ഷിച്ചിരുന്നു. മത്സരത്തിൽ 13 ഓവറിൽ ഇന്ത്യ 89 റൺസ് നേടി നിൽക്കുമ്പോഴാണ് മഴ വില്ലനായി വന്നത്. മത്സരം ഫലമില്ലാതെ പോയെങ്കിലും ഇന്നത്തെ ടീം സെലക്ഷനെക്കുറിച്ച് കടുത്ത വിമർശനമാണ് ക്രിക്കറ്റ് ആരാധകർ ഉയർത്തിയത്. ആറാമതൊരു ബൗളർ വേണമെന്നതിനാൽ സഞ്ജു സാംസണെ മാറ്റി ദീപക് ഹൂഡയ്‌ക്ക് അവസരം നൽകിയെന്നാണ് നായകൻ ശിഖർ ധവാൻ പറഞ്ഞത്. ഇതിനായി മികച്ച ഫോമിലുള‌ള മലയാളി താരം സഞ്ജു സാംസണിനെ ബെഞ്ചിലിരുത്തിയത് പക്ഷെ ആരാധകർക്ക് തീരെ ഇഷ്‌ടമായില്ല. ഫോമിലല്ലാത്ത റിഷഭ് പന്ത് ടീമിലുണ്ടുതാനും. ഇതോടെ ആരാധകരിൽ രോഷം അണപൊട്ടി. ബിസിസിഐയ്‌ക്കെതിരെ കടുത്ത വാക്കുകളോടെയാണ് ആരാധകർ പ്രതികരിച്ചത്.

its tough to be sanju samson, justice for sanju samson എന്നിങ്ങനെ ഹാഷ്‌ടാഗ് ക്യാമ്പെയിനുകളും സമൂഹമാദ്ധ്യമങ്ങളിൽ വൻതോതിൽ പ്രചരിക്കുന്നുണ്ട്. ന്യൂസിലാൻഡ് പര്യടനത്തിനുള‌ള ടി20, ഏകദിന ടീമുകളിൽ സഞ്ജു ഇടംപിടിച്ചെങ്കിലും ആദ്യ ഏകദിനത്തിൽ മാത്രമാണ് കളിക്കാനായത്. 38 പന്തിൽ സഞ്ജു 36 റൺസും നേടിയിരുന്നു. മത്സരം ഇന്ത്യ പരാജയപ്പെടുകയായിരുന്നു. അഞ്ച് ബൗളർമാരുണ്ടായിട്ടും പരാജയപ്പെട്ടതോടെയാണ് രണ്ടാം ഏകദിനത്തിൽ ആറാമത് ബൗളറായി ഹുഡയെയും ടീം ഇന്ന് ഉൾപ്പെടുത്തിയത്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, SPORTS, IND VS NZ, SANJU SAMSON, ODI CRICKET, SOCIAL MEDIA
KERALA KAUMUDI EPAPER
VIDEOS
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.