കൊച്ചി: പ്രൊഫഷണൽ അക്കൗണ്ടൻസി പ്രോഗ്രാം ആരംഭിക്കുന്നതിന് മഹാത്മാഗാന്ധി (എം.ജി) സർവകലാശാല എ.സി.സി.എ(അസോസിയേഷൻ ഒഫ് ചാർട്ടേഡ് സർട്ടിഫൈഡ് അക്കൗണ്ടന്റ്സ്) യുമായി ധാരണാപത്രം ഒപ്പുവച്ചു. ഈ സഹകരണത്തിലൂടെ എം.ജി സർവകലാശാലയ്ക്ക് കീഴിലുള്ള എല്ലാ അഫിലിയേറ്റഡ് കോളേജുകളിലും എ.സി.സി.എയുമായി സംയോജിപ്പിച്ച ബിരുദ, ബിരുദാനന്തര കോഴ്സുകൾ ലഭ്യമാകും. ഈ അദ്ധ്യയന വർഷം മുതൽ തന്നെ പ്രൊഫഷണൽ അക്കൗണ്ടൻസി പ്രോഗ്രാം തുടങ്ങും.
ഇന്നത്തെ സാഹചര്യത്തിൽ ഒരുപോലെ അക്കൗണ്ടിംഗും മാനേജ്മെന്റ് വൈദഗ്ദ്ധ്യവുമുള്ള പ്രൊഫഷണലുകളെ തൊഴിൽ മേഖലയിൽ ആവശ്യമാണെന്നും ഏത് മേഖലയിലും ബിസിനസ് വെല്ലുവിളികൾ നേരിടാൻ തയ്യാറാകേണ്ട വൈദഗ്ദ്ധ്യമുള്ള പ്രൊഫഷണലുകളുടെ ആവശ്യം ഈ പ്രോഗ്രാം നിറവേറ്റുമെന്നും എം.ജി സർവകലാശാല വൈസ് ചാൻസലർ ഡോ. സാബു തോമസ് പറഞ്ഞു.
എം.ജി സർവകലാശാലയിലെ വിദ്യാർത്ഥികളുടെ തൊഴിലവസരത്തിന് ആവശ്യമായ അറിവ് നൽകുന്നതിന് അവരുമായി ചേർന്ന് പ്രവർത്തിക്കാൻ തങ്ങൾ ആഗ്രഹിക്കുന്നുവെന്നും എ.സി.സി.എ ഇന്ത്യ ഡയറക്ടർ മുഹമ്മദ് സാജിദ് ഖാൻ പറഞ്ഞു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |