കോട്ടയം . ഇന്ധന വില ഉയർന്നതോടെ ഇലക്ട്രിക് വാഹനങ്ങളിലേക്ക് ​ഗിയർ മാറ്റുന്നവരുടെ എണ്ണം കൂടുന്നു. 2021 ൽ ജില്ലയിൽ 196 ഇലക്ട്രിക് വാഹനങ്ങളാണ് രജി​സ്റ്റർ ചെയ്തതെങ്കിൽ 2022 ൽ അത് 595 ആയി ഉയർന്നു. കാറുകളും സ്കൂട്ടറുകളും ഓട്ടോറിക്ഷകളുമാണ് ജില്ലയിലുള്ളത്. കൂടുതൽപ്പേരും തിരഞ്ഞെടുത്തത് സ്കൂട്ടർ. 2021 ൽ ജില്ലയിൽ രജി​സ്റ്റർ ചെയ്ത ഇലക്ട്രിക് സ്കൂട്ടറുകളുടെ എണ്ണം 123 ആയിരുന്നു. കഴിഞ്ഞ വർഷം 408 ആയി കുതിച്ചുയർന്നു. 2022 മാർച്ചിൽ മാത്രം 91 വാഹനങ്ങളാണ് രജി​സ്റ്റർ ചെയ്തത്. 2021 ജനുവരിയിൽ അ‍ഞ്ചു വാഹനങ്ങളാണ് ജില്ലയിൽ രജി​സ്റ്റർ ചെയ്തത്. 2022 ജനുവരിയിൽ 42 ഇലക്ട്രിക് വാഹനങ്ങളാണ് ആളുകൾ സ്വന്തമാക്കിയത്.

കണക്ക് ഇങ്ങനെ (2021, 2022).
കാർ : 51, 130
സ്കൂട്ടർ : 123, 408
ഓട്ടോ : 23, 56

ചാർജിം​ഗ് ​സ്റ്റേഷനുകൾ
ഇലക്ട്രിക് വാഹനങ്ങൾ ചാർജ് ചെയ്യാൻ ജില്ലയിൽ കെ എസ് ഇ ബി 48 ചാർജിം​ഗ് ​സ്റ്റേഷനുകൾ ഒരുക്കിയിട്ടുണ്ട്. 45 എണ്ണം പോൾമൗണ്ടഡ് ചാർജിം​ഗ് ​സ്റ്റേഷനുകളാണ്. ഓരോ നിയോജക മണ്ഡലത്തിലും 5 ​സ്റ്റേഷനുകൾ എന്ന നിലയിൽ വൈദ്യുതിപോ​സ്റ്റുകളിലാണ് ഇത് സജ്ജമാക്കിയിരിക്കുന്നത്. സ്കൂട്ടറുകൾക്കും ഓട്ടോറിക്ഷകൾക്കും ചാർജിം​ഗ് പോയി​ന്റുകൾ ഉപയോ​ഗിക്കാം. കാറുകൾക്കായി പള്ളം, ശാസ്ത്രി റോഡ്, ​ഗാന്ധിന​ഗർ എന്നിവിടങ്ങളിലായി മൂന്ന് ഫാ​സ്റ്റ് ചാർജിം​ഗ് ​സ്റ്റേഷനുകളുണ്ട്. 60 കിലോവാട്ട്, 30 കിലോവാട്ട്, 10 കിലോവാട്ട് എന്നിങ്ങനെയാണ് മൂന്നു ചാർജിം​ഗ് പോയി​ന്റുകൾ.

ആപ്പിലൂടെ ചാർജിം​ഗ്
ഇരുചക്രവാഹനങ്ങൾ പോൾമൗണ്ടഡ് ​സ്റ്റേഷനുകളിൽ ചാർജ് ചെയ്യാൻ ചാർജ് മോഡ് എന്ന ആപ്പ് എടുക്കണം. സബ്സ്ക്രൈബ് ഓപ്ഷൻ തിരഞ്ഞെടുത്ത് പ്ലാൻ റീച്ചാർജ് ചെയ്യുക. വാഹനം കണക്ട് ചെയ്തശേഷം അവിടെയുള്ള ക്യൂ ആർ കോഡ് വഴി ആപ്പിൽ കയറി ചാർജ്‌ ചെയ്യാം. ​സ്റ്റോപ്പ് ചാർജിം​ഗ് തിരഞ്ഞെടുത്ത ശേഷമേ പവർ പിൻവലിക്കാവൂ. ബില്ല്‌ വാട്സ് ആപ്പിലും ഇമെയിലിലും ലഭിക്കും. ചാർജിംഗ് പോയിന്റുകൾ എവിടെയൊക്കെയുണ്ടെന്ന് ആപ്പിലറിയാം. ചാർജിംഗിനായി കൂടുതൽ സമയമെടുക്കുന്നതും ചാർജിം​ഗ് പോയി​ന്റുകൾ കുറവാണെന്നതും വെല്ലുവിളിയാണ്.

ചെലവ് ഇങ്ങനെ
ഫാസ്റ്റ് ചാർജിംഗ് സ്റ്റേഷൻ : യൂണിറ്റിന് 15.34 രൂപ.
പോൾ മൗണ്ടഡ് ചാർജിങ് സ്റ്റേഷൻ : യൂണിറ്റിന് 10.62 രൂപ.