സൈജു കുറുപ്പിന് ദർശന നായിക

നവാഗതനായ സിന്റോ സണ്ണി രചനയും സംവിധാനവും നിർവഹിക്കുന്ന ചിത്രത്തിൽ സൈജു കുറുപ്പ് നായകൻ. സോളമന്റെ തേനീച്ചകൾ എന്ന ചിത്രത്തിൽ തിളങ്ങിയ ദർശന ആണ് നായിക. ജിബു ജേക്കബിന്റെ പ്രധാന സഹായിയായി പ്രവർത്തിച്ച സിന്റോ സണ്ണി നാട്ടിൽ നടന്ന യഥാർത്ഥ സംഭവത്തെ ആസ്പദമാക്കി ഫാമിലി കോമഡി ഡ്രാമയായാണ് ചിത്രം ഒരുക്കുന്നത്.സംഗീതത്തിന് ഏറെ പ്രാധാന്യമുണ്ട്. ഷമ്മി തിലകൻ, ജഗദീഷ്, ജോണി ആന്റണി ,കോട്ടയം നസീർ, സ്രിന്ധ, ജോളി ചിറയത്ത്, ശരൺ രാജ് എന്നിവർക്കൊപ്പം കടത്തൽക്കാരൻ എന്ന തമിഴ് ചിത്രത്തിലൂടെ ശ്രദ്ധേയനായ ഷിജു മാടക്കരയും സംവിധായകനും ഛായാഗ്രാഹകനുമായ ജിബു ജേക്കബും താരനിരയിലുണ്ട്. ഔസേപ്പച്ചൻ-എം.ജി.ശ്രീകുമാർ- സുജാത ടീം വീണ്ടും ഒന്നിക്കുന്നതാണ് മറ്റൊരു പ്രത്യേകത.ശ്രീജിത്ത് നായരാണ് ഛായാഗ്രഹണം. കളിമണ്ണ്, മ്യാവു ,എല്ലാം ശരിയാകും, മേ ഹൂം മുസ എന്നീ ചിത്രങ്ങൾക്കു ശേഷം തോമസ് തിരുവല്ല നിർമ്മിക്കുന്ന ചിത്രത്തിന്റെ ചിത്രീകരണം ജനുവരി 18ന് കോതമംഗലം, കുട്ടമ്പുഴ പ്രദേശങ്ങളിലായി ആരംഭിക്കും. പി.ആർ. ഒ വാഴൂർ ജോസ്.