എസ്.എഫ്.ഐയുടെ നേതൃത്വത്തിൽ ലോക്ഭവനിലേക്ക് നടത്തിയ അവകാശ പത്രികാ മാർച്ചിന് നേരെ പൊലീസ് നടത്തിയ ജലപീരങ്കി പ്രയോഗം.രണ്ട് ജലപീരങ്കികളാണ് വിദ്യാർത്ഥികൾക്ക് നേരെ ഒരേ സമയം പ്രയോഗിച്ചത്

ആലപ്പുഴ ജില്ലാ സ്പോർട്സ് കൗൺസിലും ജില്ലാ കബഡി ടെക്നിക്കൽ കമ്മിറ്റിയും സംയുക്തമായി ആലപ്പുഴ ബീച്ചിൽ സംഘടിപ്പിച്ച പുരുഷ- വനിത സീനിയർ ബീച്ച് കബഡി ചാമ്പ്യൻഷിപ്പിൽ സമുറായി കലവൂരും (പച്ച) ഏദൻസ് ചെന്നിത്തലയും (നീല)ഏറ്റുമുട്ടിയപ്പോൾ. ഏദൻസ് ചെന്നിത്തലയുടെ റെയ്ഡറെ പിടിച്ചുകെട്ടാൻ ശ്രമിക്കുന്ന സമുറായി കലവൂരിന്റെ ഡിഫെൻഡർമാരുടെ ശ്രമം. മത്സരത്തിൽ ഏദൻസ് ചെന്നിത്തല വിജയിച്ചു

ജില്ല ബാസ്ക്കറ്റ്ബാൾ അസോസിയേഷന്റെ ആഭിമുഖ്യത്തിൽ ആലപ്പുഴ വൈ.എം.സി.എ ഗ്രൗണ്ടിൽ നടന്ന കിഡ്സ് സബ്‌ജൂനിയർ ബാസ്ക്കറ്റ്ബാൾ ലീഗ് ചാമ്പ്യൻഷിപ്പിൽ ചെറിയനാട് സെന്റ് ജോസഫ്‌സും ലിയോ തേർട്ടീന്തും സെമി ഫൈനലിൽ ഏറ്റുമുട്ടിയപ്പോൾ

വറുതിയിലും കടലമ്മ തങ്ങളെ കൈവിടില്ലെന്ന വിശ്വാസത്തോടെ അസ്തമയ നേരം കടലിലിറങ്ങി വലവീശുന്ന മത്സ്യത്തൊഴിലാളി. യന്ത്രബോട്ടുകൾക്ക് നിയന്ത്രണമുള്ള ഈ സമയത്ത് പരമ്പരാഗത തൊഴിലാളികൾ വലിയ പ്രതീക്ഷയോടെയാണ് കടലിലേക്ക് ഇറങ്ങുന്നത്. ആലപ്പുഴ ബീച്ചിൽ നിന്നുള്ള ദൃശ്യം

ഇന്ന് കർ‍ക്കടകം ഒന്ന്. രാമായണ മാസാചരണത്തിന്റെ തുടക്കം കൂടിയാണ് കർ‍ക്കടക പിറവി. കൊയ്ത്തും മെതിയും കഴിഞ്ഞു. ഒഴിഞ്ഞ പത്തായങ്ങൾ ‍ നോക്കാതെ വറുതിയെ നേരിടാൻ ‍ രാമായണ ശീലുകളുടെ കാവ്യസൗരഭത്തിലും ആദർ‍ശങ്ങളിലും മലയാളി മുഴുകി. പഴമയുടെ ഓർ‍മ്മയിൽ ‍ മലയാളികൾ ഇന്നും കർ‍കടകത്തെ രാമായണ മാസമായി ആചരിക്കുന്നു. ആലപ്പുഴ കൈതവന അമ്പാടി വീട്ടിൽ നിന്നുള്ള ദൃശ്യം

യുവതലമുറയിൽ മാലിന്യ സംസ്കരണ ബോധവൽക്കരണം ഉറപ്പാക്കാൻ ആലപ്പുഴ ജില്ലാ ശുചിത്വ മിഷന്റെ നേതൃത്വത്തിൽ സംഘടിപ്പിച്ച 'ബിൻ വിൻ ചലഞ്ച്' എക്സൈസ് സഹകരണ മന്ത്രി എം. ലിജു ഗോളടിച്ച് ഉദ്ഘാടനം ചെയ്തപ്പോൾ. ജില്ലാ കളക്ടർ ഷാജി വി. നായർ , ശുചിത്വ മിഷൻ ജില്ലാ കോ-ഓർഡിനേറ്റർ ഡി. ഷിൻസ് തുടങ്ങിയവർ സമീപം

ചോദ്യപേപ്പ‌ർ മാറി നൽകിയതോടെ പി.എസ്.സി പരീക്ഷ റദ്ദാക്കിയ വിവരം അറിഞ്ഞ് പരീക്ഷാ ഹാളിൽ നിന്ന് പുറത്തിറങ്ങി മുത്തശ്ശി ഗീതയ്ക്കും മുത്തശ്ശൻ സുരേഷിനുമൊപ്പം കാത്തിരുന്ന ഒരു വയസ്സുകാരി മകൾ മാധവിക്ക് ഭക്ഷണം വാരി നൽകുന്ന ആലപ്പുഴ കലവൂർ സ്വദേശിനി സൂര്യ. ആലപ്പുഴ ലിയോ തേർട്ടീന്ത് സ്കൂളായിരുന്നു സൂര്യയുടെ പരീക്ഷ കേന്ദ്രം

പ്രിയസഖാവിൻറെ ദീപ്തസ്മരണയിൽ: വി. എസ്.ൻറെ ഒന്നാം ചരമ വാർഷികത്തിൽ ആലപ്പുഴ വലിയ ചുടുകാട്ടിലെ വി.എസ് അച്യുതാനന്ദൻ സ്മൃതിമണ്ഡപം സി.പി.എം സംസ്ഥാന സെക്രട്ടറി എം.വി ഗോവിന്ദൻ ഉദ്‌ഘാടനം ചെയ്തശേഷം വി എസിൻറെ ഭാര്യ കെ.വസുമതി, മക്കളായ ഡോ.വി.എ അരുൺകുമാർ, ഡോ. വി. ആശ എന്നിവർ പുഷ്‌പാർച്ചന നടത്തുന്നു. സി.പി.എം സംസ്ഥാന സെക്രട്ടറി എം.വി ഗോവിന്ദൻ, കേന്ദ്ര കമ്മിറ്റിയംഗങ്ങളായ സി.എസ് സുജാത, ടി.എം തോമസ് ഐസക്, കെ എൻ ബാലഗോപാൽ, സംസ്ഥാന സെക്രട്ടറിയറ്റംഗം സജി ചെറിയാൻ, ജില്ലാ സെക്രട്ടറി ആർ നാസർ തുടങ്ങിയവർ സമീപം