നടപടിയാകാതെ ദത്തു വിവാദം; സി ഡബ്ല്യു സിക്ക് മൗനമോ?

കൊച്ചി: കളമശേരി മെഡി​ക്കൽ കോളേജ് ആശുപത്രിയിലെ അനധി​കൃത ദത്തുകേസ് മരവിച്ചു. തുടർനടപടികൾ സ്വീകരിക്കേണ്ട ചൈൽഡ് വെൽഫെയർ കമ്മിറ്റി (സി.ഡബ്ല്യു.സി) ഇക്കാര്യത്തിൽ മൗനം പാലിക്കുകയാണ്. വ്യാജ ജനന സർട്ടിഫിക്കറ്റ് തയാറാക്കലിൽ മാത്രം കേസെടുത്താണ് പൊലീസ് മുന്നോട്ട് പോകുന്നത്. നി​യമവി​രുദ്ധമായി​ കുഞ്ഞി​നെ മറ്റൊരു ദമ്പതി​കൾക്ക് കൈമാറി​യതും അവരുടെ പേരി​ൽ വ്യാജജനന സർട്ടി​ഫി​ക്കറ്റ് തയ്യാറാക്കി​യതും ലളി​തമായാണ് രണ്ട് ഏജൻസി​കളും കൈകാര്യം ചെയ്യുന്നത്.

വ്യാജ ജനനസർട്ടിഫിക്കറ്റ് തയാറാക്കലും പണമിടപാടും അനധികൃത കൈമാറ്റവുമെല്ലാം വെവ്വേറെ കേസുകളായി പരിഗണിച്ച് അന്വേഷണത്തിന് ഉത്തരവിടേണ്ടത് സി.ഡബ്ല്യു.സിയാണ്. ഇത്തരമൊരു കേസ് ഉയർന്നു വരുമ്പോൾതന്നെ അടിയന്തരമായി അന്വേഷണം നടത്താൻ സ്‌പെഷൽ ജുവനൈൽ പൊലീസ് യൂണിറ്റ് (എസ്.ജെ.പി.യു) , ഡിസ്ട്രിക്ട് ചൈൽഡ് പ്രൊട്ടക്ഷൻ യൂണിറ്റ് (ഡി.സി.പി.യു) എന്നിവയ്ക്ക് നിർദ്ദേശം നൽകേണ്ടതും സി.ഡബ്ല്യു.സിയാണ്. എസ്.ജെ.പി.യുവും ഡി.സി.പി.യുവും അനുകൂല റിപ്പോർട്ട് നൽകിയാൽ ഇവയിലെല്ലാം കേസെടുക്കാൻ പൊലീസിനോട് സി.ഡബ്ല്യു.സിക്ക് നിർദേശിക്കാം. ഇത്തരം നടപടി​കൾ ഈ കേസിൽ ഉണ്ടായിട്ടില്ലെന്നാണ് വിവരം. ഇത്തരം അന്വേഷണം അടിയന്തരമായി പൂർത്തീകരിക്കണമെന്നാണ് ചട്ടം.

വ്യാജ ജനന സർട്ടി​ഫി​ക്കറ്റ് കേസി​ൽ ഒളി​വി​ലുള്ള പ്രതി​കളായ മെഡി​ക്കൽ കോളേജ് അഡ്മി​നി​സ്ട്രേറ്റീവ് അസി​സ്റ്റന്റ് അനി​ൽകുമാറി​നെയും കളമശേരി​ നഗരസഭാ കി​യോസ്കി​ലെ ജീവനക്കാരി​ രഹ്നയെയും ഇതുവരെ അറസ്റ്റ് ചെയ്തി​ട്ടുമി​ല്ല. പണം കൈമാറി​യി​ട്ടുണ്ടെങ്കി​ൽ മനുഷ്യക്കടത്തി​ന്റെ ഗണത്തി​ലേക്ക് കേസ് മാറും.

ഡി.എൻ.എ ഫലം പോസിറ്റീവായൽ
കുട്ടിയുടെ അച്ഛനെന്ന് അവകാശപ്പെട്ട് എത്തിയയാളുടെ ഡി.എൻ.എ പരിശോധന നടത്തേണ്ടതുണ്ട്. തിരുവനന്തപുരത്തെ പരിശോധനാ കേന്ദ്രത്തിൽ നേരിട്ടെത്തി സാംപിൾ നൽകിയാൽ ഒരാഴ്ചയ്ക്കുള്ളിലും അല്ലെങ്കിൽ ഒരു മാസത്തിനുള്ളിലുമാണ് ഫലം ലഭിക്കുക. പരിശോധനാ ഫലം പോസിറ്റീവായാൽ മറ്റ് പരിശോധനകളും അന്വേഷണങ്ങളും കൂടി പൂർത്തിയാക്കിയ ശേഷമാകും നടപടികൾ.

നെഗറ്റീവായാൽ

ഡീഡ് സറണ്ടർ മുഖേന കുട്ടിയെ ഉപേക്ഷിക്കപ്പെട്ടത് എന്ന വിഭാഗത്തിൽപ്പെടുത്തി പത്രത്തിൽ പരസ്യം നൽകും. അതുവരെ കുട്ടി ശിശുസംരക്ഷണ സമിതിയുടെ മേൽനോട്ടത്തിലാകും.

പണം കൊടുത്തി​ല്ലെന്ന് ദമ്പതികൾ

പണംകൊടുത്തില്ലെന്ന പുതിയ വെളിപ്പെടുത്തലുമായി കുഞ്ഞിനെ നാലു മാസം കൈവശംവച്ചിരുന്ന അനൂപും സുനിതയും രംഗത്തെത്തി. രേഖകൾ ഇല്ലാത്തത് കാരണം, വളർത്താൻ പോലും പറ്റാതെയാകുമെന്ന സ്ഥിതി വന്നപ്പോഴാണ് കുഞ്ഞിന് വേണ്ടി ജനന സർട്ടിഫിക്കറ്റ് തയ്യാറാക്കിയതെന്ന് ഇവർ പറഞ്ഞു. വിവാഹിതരാകാത്ത മാതാപിതാക്കൾ കുഞ്ഞി​നെ തങ്ങളെ വളർത്താൻ ഏൽപ്പിച്ചതാണെന്നും ദമ്പതികൾ അവകാശപ്പെട്ടു.