സംവിധായകൻ അജയ് വാസുദേവ് നിർമ്മിക്കുന്ന ഹൃസ്വചിത്രത്തിൽ മാല പാർവതി, മനോജ്‌ കെ.യു എന്നിവർ പ്രധാന വേഷത്തിൽ എത്തുന്നു. പ്രൊഡക്ഷൻ നമ്പർ 1 എന്ന് താത്കാലികമായി പേരിട്ട ഹൃസ്വചിത്രം നവാഗതനായ ഷെഫിൻ സുൽഫിക്കർ സംവിധാനം ചെയ്യുന്നു. ഫഹ ഫാത്തിമ, ഫിറുസ് ഷമീർ എന്നിവരാണ് മറ്റ് താരങ്ങൾ. ആസിഫ് എം. എ, സുസിന ആസിഫ് എന്നിവർ നിർമ്മാണ പങ്കാളികളാണ്. ചിത്രത്തിന് കഥ ഒരുക്കുന്നത് അൽഡ്രിൻ പഴമ്പിള്ളിയാണ്. എഡിറ്റർ: ജെറിൻ രാജ്, പ്രൊഡക്ഷൻ കൺട്രോളർ: അൻവർ ആലുവ, പി.ആർ.ഒ പി. ശിവപ്രസാദ്. അതേസമയം കുഞ്ചാക്കോ ബോബനും രജിഷ വിജയനും പ്രധാന വേഷത്തിൽ എത്തിയ പകലും പാതിരാവും ആണ് അജയ് വാസുദേവിന്റെ സംവിധാനത്തിൽ അവസാനം റിലീസ് ചെയ്ത ചിത്രം.