തൃശൂർ: കുന്നംകുളം വൊക്കേഷണൽ ഹയർ സെക്കൻഡറി സ്കൂൾ സിന്തറ്റിക്ക് ട്രാക്ക് ഇന്നുണരും. കായിക കേരളത്തിന് ഇനി പുത്തൻ താരോദയത്തിന്റെ നാലു നാൾ. സംസ്ഥാന സ്കൂൾ കായികമേളയിൽ 2680 പ്രതിഭകളാണ് മാറ്റുരയ്ക്കുന്നത്. ഇന്ന് 21 ഫൈനൽ. രാവിലെ ഏഴിന് ജൂനിയർ വിഭാഗം പെൺകുട്ടികളുടെ 3000 മീറ്ററാണ് ആദ്യം. ആറ് വിഭാഗങ്ങളിലായി 98 ഇനങ്ങൾ.
ഇന്നലെ രാവിലെ ആദ്യമെത്തിയ കാസർകോട് ടീമിനെ ബഥനി സ്കൂളിൽ മധുരവും പൂമാലയും നൽകി സ്വീകരിച്ചു. തേക്കിൻകാട് മൈതാനത്ത് മന്ത്രി ആർ.ബിന്ദു ഐ.എം.വിജയന് ദീപശിഖ കൈമാറി. വൈകിട്ട് കുന്നംകുളത്തെ മൈതാനത്ത് സംഘാടകസമിതി ചെയർമാൻ എ.സി.മൊയ്തീൻ ഏറ്റുവാങ്ങി.
ഇന്ന് രാവിലെ ഒമ്പതിന് പൊതുവിദ്യാഭ്യാസ ഡയറക്ടർ എസ്.ഷാനവാസ് പതാക ഉയർത്തും. വൈകിട്ട് മൂന്നരയ്ക്ക് മന്ത്രി വി.ശിവൻകുട്ടി കായികോത്സവം ഉദ്ഘാടനം ചെയ്തശേഷം ദീപശിഖ തെളിക്കും. കഴിഞ്ഞവർഷം 32 സ്വർണവുമായി പാലക്കാട് ജില്ലയായിരുന്നു ചാമ്പ്യന്മാർ.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |