1.600 കിലോഗ്രാം കഞ്ചാവുമായി യുവതി അറസ്റ്റിൽ

തളിപ്പറമ്പ്: 1.600കിലോഗ്രാം കഞ്ചാവുമായി യുവതി എക്സൈസ് പിടിയിൽ. പയ്യന്നൂർ - കണ്ടങ്കാളി-മുല്ലക്കോട് താമസിക്കുന്ന സി. നിഖില ( 29 ) യെയാണ് എക്സൈസ് സർക്കിൾ ഇൻസ്പെക്ടർ കെ.കെ. ഷിജിൽ കുമാറിന്റെ നേതൃത്വത്തിൽ പയ്യന്നൂർ, പെരുമ്പ, കണ്ടങ്കാളി മുല്ലക്കോട് ഭാഗങ്ങളിൽ നടത്തിയ റെയിഡിൽ പിടികൂടിയത്. ഉണക്ക കഞ്ചാവ് വീട്ടിൽ വില്പനക്കായി സൂക്ഷിച്ച് വച്ച നിലയിൽ കണ്ടെത്തുകയായിരുന്നു. പ്രിവന്റീവ് ഓഫീസർമാരായ പി.ആർ. സജീവ്,​ അഷ്റഫ് മലപ്പട്ടം,സിവിൽ എക്സൈസ് ഓഫീസർമാരായ പി.ആർ. വിനീത്, പി. സൂരജ്, വനിതാ സിവിൽ എക്സൈസ് ഓഫീസർ എ.വി രതിക (പയ്യന്നൂർ റേഞ്ച്),​ ഡ്രൈവർ അജിത്ത് എന്നിവർ പങ്കെടുത്തു.