727 പോയിന്റുമായി പാലക്കാട് ഉപജില്ല മുന്നിൽ

പാലക്കാട്: ജില്ലാ സ്കൂൾ കലോത്സവത്തിന്റെ നാലാംദിനം 727 പോയിന്റുകളോടെ പാലക്കാട് ഉപജില്ല മുന്നിൽ. 674 പോയിന്റുകളുമായി ഒറ്റപ്പാലം രണ്ടാംസ്ഥാനത്തുണ്ട്. തൃത്താലയാണ് (652) മൂന്നാമത്.

സ്കൂളുകളിൽ 300 പോയിന്റ് നേടി ആലത്തൂർ ബി.എസ്.എസ് ഗുരുകുലമാണ് മുന്നിൽ. 181 പോയിന്റുമായി പാലക്കാട് ഭാരത് മാതാ എച്ച്.എസ്.എസും 171 പോയിന്റുമായി പെരിങ്ങോട് എച്ച്.എസ്.എസുമാണ് രണ്ടും മൂന്നും സ്ഥാനത്ത്.

യു.പി ജനറൽ വിഭാഗത്തിൽ 136 പോയിന്റുമായി മണ്ണാർക്കാടും ഹൈസ്കൂൾ ജനറൽ വിഭാഗത്തിൽ 290 പോയിന്റുമായി ഒറ്റപ്പാലവും എച്ച്.എസ്.എസിൽ 319 പോയിന്റുമായി പാലക്കാടും മുന്നിട്ടുനിൽക്കുന്നു. യു.പി സംസ്കൃതത്തിൽ 60 പോയിന്റുമായി തൃത്താല ഉപജില്ലയും എച്ച്.എസ്.എസിൽ 38 പോയിന്റുമായി പാലക്കാടും മുന്നിലുണ്ട്.