സമരസന്ധ്യാ കലാജാഥ

ഉദുമ : കേന്ദ്ര-സംസ്ഥാന സർക്കാറുകളുടെ ജനവിരുദ്ധ നയങ്ങൾക്കെതിരെ കെ.പി.സി സി. പ്രസിഡന്റ് കെ.സുധാകരനും പ്രതിപക്ഷ നേതാവ് വി.ഡി.സതീശനും നയിക്കുന്ന സമരാഗ്നി പ്രക്ഷോഭയാത്രയുടെ ഭാഗമായി ഉദുമ മണ്ഡലംകോൺഗ്രസ്‌ കമ്മിറ്റിയുടെ നേതൃത്വത്തിൽ സമരസന്ധ്യ കലാജാഥ നടത്തി. സർക്കാറിന്റെ അവഗണന നേരിടുന്ന വ്യത്യസ്ത മേഖലയിലെ പ്രതിനിധികളുടെ സംവാദവും ഇതോടൊപ്പം നടന്നു. മുൻ ഡി.സി സി പ്രസിഡന്റ്‌ ഹക്കീം കുന്നിൽ ഉദ്‌ഘാടനം ചെയ്തു. മണ്ഡലം പ്രസിഡന്റ് ശ്രീധരൻ വയലിൽ അദ്ധ്യക്ഷത വഹിച്ചു. ധന്യാ സുരേഷ്, വി.ആർ.വിദ്യാസാഗർ, ഗീത കൃഷ്ണൻ,രാജൻ പെരിയ, കെ.വി.ഭക്തവൽസലൻ, അൻവർ മാങ്ങാട്, വാസു മാങ്ങാട്,ബി.ബാലകൃഷ്ണൻ, പ്രഭാകരൻ തെക്കേക്കര, കൃഷ്ണൻ മാങ്ങാട്, തിലകരാജൻ,ചന്ദ്രൻ നാലാംവാതുക്കൽ, കെ.എം.അമ്പാടി സുകുമാരി ശ്രീധരൻ, ശ്രീജാപുരുഷോത്തമൻ, എന്നിവർ പ്രസംഗിച്ചു.