സമരാഗ്നി വേദിയിൽ   പുസ്തകവണ്ടിക്ക് സ്വീകരണം

തൃശൂർ: കോൺഗ്രസിന്റെ സമരാഗ്‌നി വേദിയിൽ പുസ്തകവണ്ടിക്ക് സ്വീകരണം. കെ.പി.സി.സിയുടെ രാഷ്ട്രീയ സാംസ്‌കാരിക പുസ്തകങ്ങളാണ് പ്രിയദർശിനി പുസ്തക വണ്ടിയിൽ ലഭ്യമാക്കുന്നതെന്ന് പ്രിയദർശിനി പബ്ലിക്കേഷൻസ് വൈസ് ചെയർമാൻ അഡ്വ.പഴകുളം മധുവും സെക്രട്ടറി ബിന്നി സാഹിതിയും പറഞ്ഞു. ഉമ്മൻ ചാണ്ടിയെക്കുറിച്ചുള്ള ഓർമ്മ പുസ്തകമായ ആർദ്രമനസിനും എം.ലീലാവതിയുടെ ഇന്ദിരാഗാന്ധിക്കുമെല്ലാം ആവശ്യക്കാരേറെയെന്ന് സംസ്ഥാന കോ ഓർഡിനേറ്റർ ചന്ദ്രാനന്ദൻ പറഞ്ഞു. കാസർകോട്, കണ്ണൂർ, കോഴിക്കോട്, മലപ്പുറം, വയനാട്, പാലക്കാട്, തൃശൂർ ജില്ലകളിൽ നടത്തിയ പര്യടനങ്ങളിൽ കൂടുതൽ ജനപങ്കാളിത്തമുണ്ടായി. ബുക്ക് ക്ലബ്ബിന്റെ അംഗത്വ വിതരണം, പ്രീ ബുക്കിംഗ്, പുസ്തക പ്രസാധനം എന്നിവയും സഞ്ചരിക്കുന്ന വണ്ടിയിൽ ക്രമീകരിച്ചിട്ടുണ്ട്. പുസ്തകം ലഭിക്കാൻ : 86060 69621.