കോളനികളും ക്ഷേത്രങ്ങളും സന്ദർശിച്ച് സുരേഷ് ഗോപി

തൃശൂർ: എൻ.ഡി.എ സ്ഥാനാർത്ഥി സുരേഷ്‌ ഗോപി പീച്ചി മണ്ഡലത്തിൽ പര്യടനം നടത്തി. താണിക്കുടം ക്ഷേത്രത്തിൽ ദർശനം നടത്തിയായിരുന്നു പര്യടനം തുടങ്ങിയത്. കരുവാൻകാട്‌ ക്ഷേത്രം, ചെമ്പൂത്ര വിദ്യാമന്ദി‌ർ സ്‌കൂൾ, വൈദ്യരത്‌നം, ബിഷപ്പ് ഹൗസ്, സതേൺ ഫർമസ്യൂട്ടിക്കൽ, പൊന്നൂക്കര എന്നിവിടങ്ങൾ സന്ദർശിച്ച് വൈകീട്ട്‌ റോഡ്‌ഷോയ്ക്ക്‌ ശേഷം പയ്യനം കോളനിയിൽ കൂടി എത്തിയ ശേഷമാണ് പര്യടനം സമാപിച്ചത്. അഗ്രി യൂണിവേഴ്‌സിറ്റിയെ ഇടതുപക്ഷ രാഷ്ട്രീയത്തിൽ നിന്ന് വിമുക്തമാക്കുമെന്നും ലോകോത്തര നിലവാരമുള്ള സർവകലാശാലയാക്കി മാറ്റാൻ പ്രയത്‌നിക്കുമെന്നും സുരേഷ്‌ ഗോപി പറഞ്ഞു. വിവിധ പദ്ധതികളിൽ പ്രവർത്തിക്കുന്ന ഗവേഷകരെയും തൊഴിലാളികളെയും അദ്ദേഹം അഭിനന്ദിച്ചു.