എ.കെ.ജി ക്ളബ്ബ് വാർഷികാഘോഷം

ചെറുവത്തൂർ: മയിച്ച എ.കെ.ജി സ്മാരക ആർട്സ് ആൻഡ് സ്പോർട്സ് ക്ലബ്ബ് 45ാംവാർഷികാഘോഷത്തോടനുബന്ധിച്ച് എ.കെ.ജി -ഇ.എം.എസ് അനുസ്മരണം സംഘടിപ്പിച്ചു. സി പി.എം ജില്ല കമ്മിറ്റി അംഗം വി.പി.പി മുസ്തഫ ഉദ്ഘാടനം ചെയ്തു. വാർഷികാഘോഷ സപ്ലിമെന്റ് ഡി.വൈ.എഫ്.ഐ ജില്ലാ സെക്രട്ടറി രജീഷ് വെള്ളാട്ട് പ്രകാശനം ചെയ്തു. ക്ലബ്ബ് പ്രസിഡന്റ് പി.പി.ബാലകൃഷ്ണൻ അദ്ധ്യക്ഷത വഹിച്ചു. സ്ഥാപക സെക്രട്ടറി പി. വി.കുഞ്ഞിക്കണ്ണൻ, വെങ്ങാട്ട് കുഞ്ഞിരാമൻ, കെ.എം.ഗിരീഷ് ,കെ.രാജീവൻ,എം.അച്യുതൻ വനിതാ വേദി സെക്രട്ടറി രാധാ സന്തോഷ് സംസാരിച്ചു.ക്ലബ്‌ സെക്രട്ടറി ഇ.ടി.വിപിൻ കൃഷ്ണൻ സ്വാഗതവും ടി.സന്തോഷ് നന്ദിയും പറഞ്ഞു. തുടർന്ന് എ.കെ.ജി കലാവേദി അവതരിപ്പിച്ച നെരിപ്പോട് ഡ്രാമറ്റിക്കൽ ഫ്യൂഷൻ ഡാൻസ് അരങ്ങേറി.