എംഎൽ അശ്വിനി കല്യാശ്ശേരിയിൽ

പഴയങ്ങാടി:കാസർകോട് ലോക് സഭാ മണ്ഡലം എൻ.ഡി.എ സ്ഥാനാർഥി എം.എൽ.അശ്വിനി കല്യാശ്ശേരി മണ്ഡലത്തിലെ വിവിധ കേന്ദ്രങ്ങളിലാണ് ഇന്നലെ സന്ദർശനം നടത്തിയത്. രാവിലെ ചെറുകുന്ന് മിഷൻ ആശുപത്രിക്ക് സമീപത്ത് നിന്നാരംഭിച്ച പര്യടനം വൈകിട്ട് പഴയങ്ങാടി ടൗണിലെ റോഡ് ഷോയോടെയാണ് സമാപിച്ചത്.

മണ്ഡലത്തിലെ ബലിദാനികളുടെ വീടുകൾ സന്ദർശിക്കുകയും സ്മൃതി മണ്ഡപങ്ങളിൽ പുഷ്പാർച്ചന നടത്തുകയും ചെയ്തു. ബി.ജെ.പി ദേശീയ കൗൺസിൽ അംഗം പ്രമീള സി നായക്, കണ്ണൂർ ജില്ലാ സെൽ കോ ഓർഡിനേറ്റർ കാളീശ്വരം ഗംഗാധരൻ, മഹിളാമോർച്ച കാസർകോട് ജില്ലാ പ്രസിഡന്റ് പുഷ്പ ഗോപാലൻ, സംസ്ഥാന സമിതി അംഗം സി.നാരായണൻ, കല്യാശ്ശേരി മണ്ഡലം ജനറൽ സെക്രട്ടറി കെ.സജീവൻ, എ.കെ.ഗോവിന്ദൻ തുടങ്ങിയവർ സ്ഥാനാർത്ഥിയെ അനുഗമിച്ചു.