തിരുവനന്തപുരം: വനം വന്യജീവി വകുപ്പിൽ ബീറ്റ് ഫോറസ്റ്റ് ഓഫീസർ (എൻ.സി.എ., തസ്തികമാറ്റം മുഖേന) തസ്തികയുടെ ചുരുക്കപട്ടികയിലുൾപ്പെട്ടവർക്ക് 23 മുതൽ 30 വരെ രാവിലെ 5.15 ന് വിവിധ ജില്ലകളിൽ ശാരീരിക അളവെടുപ്പും കായികക്ഷമതാ പരീക്ഷയും നടത്തും. കായികക്ഷമതാ പരീക്ഷയിൽ വിജയിക്കുന്നവർക്ക് അന്നുതന്നെ ബന്ധപ്പെട്ട പി.എസ്.സി ജില്ലാ ഓഫീസിൽ സർട്ടിഫിക്കറ്റ് പരിശോധനയും നടത്തും.
അഭിമുഖം
മെഡിക്കൽ വിദ്യാഭ്യാസ വകുപ്പിൽ ഓപ്റ്റോമെട്രിസ്റ്റ് ഗ്രേഡ് 2 (കാറ്റഗറി നമ്പർ 592/2022) തസ്തികയിലേക്ക് 29, 30, 31 തീയതികളിൽ പി.എസ്.സി ആസ്ഥാന ഓഫീസിൽ അഭിമുഖം നടത്തും. ഇന്റർവ്യൂ മെമ്മോ പ്രൊഫൈലിൽ. അറിയിപ്പ് ലഭിക്കാത്തവർ ജി.ആർ. 10 വിഭാഗവുമായി ബന്ധപ്പെടണം. ഫോൺ: 0471 2546438.
സർട്ടിഫിക്കറ്റ് പരിശോധന
മെഡിക്കൽ വിദ്യാഭ്യാസ വകുപ്പിൽ അസിസ്റ്റന്റ് പ്രൊഫസർ ഇൻ നെഫ്രോളജി (കാറ്റഗറി നമ്പർ 520/2023) തസ്തികയുടെ ചുരുക്കപ്പട്ടികയിലുൾപ്പെട്ടവരിൽ അപേക്ഷയിലെ ന്യൂനത പരിഹരിക്കേണ്ടവർക്ക് 27ന് രാവിലെ 10.30ന് പി.എസ്.സി ആസ്ഥാന ഓഫീസിൽ സർട്ടിഫിക്കറ്റ് പരിശോധന നടത്തും. അറിയിപ്പ് ലഭിക്കാത്തവർ ജി.ആർ 1 എ വിഭാഗവുമായി ബന്ധപ്പെടണം.ഫോൺ: 0471 2546448.
സി.ബി.എസ്.ഇ അദ്ധ്യാപക പരിശീലനം 27 മുതൽ
കൊച്ചി: ദേശീയ വിദ്യാഭ്യാസനയം നടപ്പാക്കുന്നത് സംബന്ധിച്ച് സംസ്ഥാനത്തെ സി.ബി.എസ്.ഇ സ്കൂളുകളിലെ അദ്ധ്യാപകർക്കായി കൗൺസിൽ ഒഫ് സി.ബി.എസ്.ഇ സ്കൂൾസ് കേരള ഈമാസം 27 മുതൽ 30 വരെ ശില്പശാലകൾ സംഘടിപ്പിക്കും. എൻ.സി.ഇ.ആർ.ടി യിൽ നിന്നുള്ള വിദഗ്ദ്ധരാണ് ക്ലാസുകൾ കൈകാര്യം ചെയ്യുന്നത്. കോഴിക്കോട് സിൽവർ ഹിൽസ് പബ്ലിക് സ്കൂൾ, പാലാ ചാവറ സി.എം.ഐ പബ്ലിക് സ്കൂൾ, പെരുമ്പാവൂർ പ്രഗതി അക്കാഡമി എന്നിവിടങ്ങളിലാണ് ശില്പശാലകൾ.
വിദ്യാലയഘടന പുനഃക്രമീകരിക്കുന്നതിനനുസൃതമായി എൻ.സി.ഇ.ആർ.ടി ചിട്ടപ്പെടുത്തിയ ദേശീയപാഠ്യപദ്ധതിയിൽ പഠനക്രമത്തിലും മൂല്യനിർണയത്തിലും മറ്റും സ്വീകരിക്കേണ്ട നടപടികളെക്കുറിച്ച് അദ്ധ്യാപകർക്ക് പരിശീലനം നൽകുമെന്ന് നാഷണൽ കൗൺസിൽ ഒഫ് സി.ബി.എസ്.ഇ സ്കൂൾസ് സെക്രട്ടറി ജനറൽ ഡോ. ഇന്ദിരാ രാജൻ പറഞ്ഞു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |