മുംബയ്: മഹാരാഷ്ട്രയിലെ ജൽനയിൽ കാർ കിണറ്റിലേക്ക് മറിഞ്ഞ് ഏഴ് തീർത്ഥാടകർക്ക് ദാരുണാന്ത്യം. ബദ്നാപൂർ തഹ്സിലിലെ വസന്ത് നഗറിൽ കഴിഞ്ഞ ദിവസം വൈകുന്നേരം അഞ്ചരമണിയോടുകൂടിയായിരുന്നു അപകടം. സംഭവത്തിൽ ചനേഗാവ് സ്വദേശികളായ നാരായൺ നിഹാൽ(45), പ്രഹ്ലാദ് ബിറ്റ്ലെ (65), പ്രഹ്ലാദ് മഹാജൻ (65), നന്ദ തായ്ഡെ (35), ചന്ദ്രഭഗ് ഘുഗെ തുടങ്ങിയവരാണ് മരിച്ചത്. പരിക്കേറ്റവരെ അടുത്തുളള സർക്കാർ ആശുപത്രിയിലേക്ക് മാറ്റിയിട്ടുണ്ട്.
പന്ധർപൂരിൽ നിന്ന് തീർത്ഥാടനം കഴിഞ്ഞ് മടങ്ങിയവരുടെ വാഹനമാണ് അപകടത്തിൽപ്പെട്ടത്. എതിർദിശയിൽ നിന്നുവന്ന ബൈക്കിന് കടന്നുപോകാൻ വഴിയൊരുക്കുന്നതിനിടെ കാർ നിയന്ത്രണം വിട്ട് കിണറ്റിലേക്ക് മറിയുകയായിരുന്നുവെന്നാണ് അധികൃതർ അറിയിച്ചത്. വാഹനത്തിൽ ഡ്രൈവർ ഉൾപ്പടെ 12 പേർ ഉണ്ടായിരുന്നുവെന്നാണ് വിവരം. ക്രെയിനെത്തിച്ചാണ് രക്ഷാപ്രവർത്തനം നടത്തിയത്.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |