എം.ഡി.എം.എയുമായി അറസ്റ്റിൽ

തിരുവനന്തപുരം: വില്പനയ്ക്കായി കൈവശം സൂക്ഷിച്ച 2.617 ഗ്രാം എം.ഡി.എം.എയുമായി പ്രതികൾ അറസ്റ്റിൽ.

മയക്കുമരുന്ന് ഉൾപ്പെടെ നിരവധി ക്രിമിനൽ കേസുകളിൽ പ്രതികളായ മേനംകുളം സ്വദേശി അഭിലാഷ്,പള്ളിത്തുറ വിളയിൽകുളം സ്വദേശി കൃഷ്ണ.എസ്.ബാബു എന്നിവരാണ് കഴക്കൂട്ടത്ത് നിന്ന് പിടിയിലായത്.എക്സൈസ് എൻഫോഴ്‌സ്‌മെന്റ് ആൻഡ് ആന്റി നാർക്കോട്ടിക് സ്പെഷ്യൽ സ്‌ക്വാഡ് എക്സൈസ് സർക്കിൾ ഇൻസ്‌പെക്ടർ എ.പി.ഷാജഹാന്റെ നേതൃത്വത്തിലുള്ള സംഘം കഴക്കൂട്ടത്ത് നടത്തിയ പരിശോധനയിലാണ് എം.ഡി.എം.എ കണ്ടെത്തിയത്.ഗ്രേഡ് അസിസ്റ്റന്റ് എക്‌സൈസ് ഇൻസ്‌പെക്ടർ രാജേഷ് കുമാർ,പ്രിവന്റീവ് ഓഫീസർ സന്തോഷ് കുമാർ,സിവിൽ എക്സൈസ് ഓഫീസർമാരായ കൃഷ്ണ പ്രസാദ്,സുരേഷ് ബാബു,ആരോമൽ രാജൻ,നന്ദകുമാർ,ശരത്,അക്ഷയ് സുരേഷ്,ഷൈനി എന്നിവർ അറസ്റ്രിൽ പങ്കെടുത്തു.