ലഹരിക്കെതിരെ പ്രചാരണം തുടങ്ങി

​രാമനാട്ടുകര: വൈദ്യരങ്ങാടി മേഖല ലഹരി വിരുദ്ധ സമിതിയുടെ നേതൃത്വത്തിൽ ആരംഭിച്ച ലഹരി വിരുദ്ധ പ്രചാരണം വൈദ്യരങ്ങാടി പള്ളി അംഗണത്തിൽ രാമനാട്ടുകര മുനിസിപ്പൽ ചെയർപേഴ്സൺ​ ബുഷ്‌റ റഫീഖ് ഉദ്ഘാടനം ചെയ്തു. ഫറോക്ക് ​പൊലീസ് സബ് ഇൻസ്‌പെക്ടർ ​ എസ്. അനൂപ് ബോധവത്ക്കരണ സന്ദേശം നൽകി.സമിതി ചെയർമാൻ ​ പി. എം വേണു ഗോപാൽ അ​ദ്ധ്യക്ഷത വഹിച്ചു, ഡിവിഷൻ കൗൺസിലർമാരായ കെ. സലീം, സാദിഖ് പൂവഞ്ചേരി, ബിന്ദു അറുമുഖൻ, ലളിത, വൈദ്യരങ്ങാടി മഹല്ല് പ്രസിഡന്റ് അലവികുട്ടി കള്ളിയൻ, പാച്ചീരി സൈ​തലവി, അറക്കൽ കോയസൻ കോയ എന്നിവർ പ്രസംഗിച്ചു. കൺവീനവർ ഷാഹുൽ ഹമീദ് എം. പി സ്വാഗതവും ലത്തീഫ് കള്ളിയൻ നന്ദിയും പറഞ്ഞു.