നിർമ്മാണോദ്ഘാടനം

പാലക്കാട്: നെല്ലായ പഞ്ചായത്തിലെ ഫാമിലി ഹെൽത്ത് സെന്ററിന്റെ പുതിയ കെട്ടിടത്തിന്റെ നിർമ്മാണ ഉദ്ഘാടനം പി.മമ്മികുട്ടി എം.എൽ.എ നിർവഹിച്ചു. എം.എൽ.എയുടെ ആസ്തി വികസന ഫണ്ടിൽ നിന്ന് 60 ലക്ഷം രൂപ ചെലവിലാണ് കെട്ടിടം നിർമ്മിക്കുന്നത്. ഒരു വർഷം കൊണ്ട് നിർമ്മാണം പൂർത്തീകരിക്കും. പഞ്ചായത്ത് പ്രസിഡന്റ് കെ.അജേഷ്, ബ്ലോക്ക് പഞ്ചായത്ത് വൈസ് പ്രസിഡന്റ് സി.ബാബു, സ്റ്റാൻഡിംഗ് കമ്മിറ്റി ചെയർമാൻമാരായ പി.കെ.മുഹമ്മദ് ഷാഫി, എ.മൊയ്തീൻകുട്ടി, ജിഷ പി. വിനു, മെഡിക്കൽ ഓഫീസർ ഡോ. റിസ്വാന തുടങ്ങിയവർ പങ്കെടുത്തു.