വിഴിഞ്ഞം തുറമുഖ വളർച്ച വേഗത്തിലാവും: മന്ത്രി

തിരുവനന്തപുരം: വിഴിഞ്ഞത്തെ രാജ്യത്തിന്റെ ഔദ്യോഗിക അന്താരാഷ്ട്ര സീപോർട്ടുകളുടെ പട്ടികയിൽ ഉൾപ്പെടുത്തിയതോടെ തുറമുഖത്തിന്റെ വളർച്ച വേഗത്തിലാവുമെന്ന് മന്ത്രി വി.എൻ വാസവൻ പറഞ്ഞു.വിഴിഞ്ഞത്തിന് ഇമിഗ്രേഷൻ ചെക്ക് പോസ്റ്റ് പദവി അനുവദിച്ചാണ് കേന്ദ്ര വിജ്ഞാപനം.ക്രൂ ചേഞ്ച് ഉൾപ്പെടെയുള്ള നടപടികൾ ഇനി എളുപ്പമാകും.ഒപ്പം തുറമുഖത്തിന്റെ ചരക്കു നീക്കത്തിന്റെ വേഗം വർദ്ധിക്കും.ദക്ഷിണേന്ത്യയുടെ ഭൂരിഭാഗം കയറ്റുമതി-ഇറക്കുമതിയും ഇനി വിഴിഞ്ഞം വഴി നേരിട്ട് കൈകാര്യം ചെയ്യാൻ സാധിക്കും.ലോക സമുദ്ര ഭൂപടത്തിൽ വിഴിഞ്ഞം തുറമുഖത്തിന്റെ ആധിപത്യം ഉറപ്പിക്കുന്നതിനും സംസ്ഥാനത്തിന്റെ സാമ്പത്തിക വളർച്ചയ്ക്കും മുതൽക്കൂട്ടാവുന്ന ഘട്ടമാണിതെന്നും മന്ത്രി പറഞ്ഞു.