വേലായുധൻ അനുസ്മരണം

കോഴിക്കോട്: വ്യക്തിജീവിതവും സാമൂഹ്യജീവിതവും സത്യസന്ധവും മാതൃകാപരവുമാണെങ്കിൽ അത്തരക്കാർ എന്നും ഓർമ്മിക്കപ്പെടുമെന്നും പി. വേലായുധൻ അത്തരത്തിലുള്ള മാതൃകാ വ്യക്തിത്വത്തിനുടമയായിരുന്നുവെന്നും മേയർ ഒ. സദാശിവൻ പറഞ്ഞു. വിജിൽ ഭാരവാഹിയും സാമൂഹ്യ പ്രവർത്തകനുമായിരുന്ന പി.വേലായുധൻ അനുസ്മരണ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. ഗോവ മുൻ ഗവർണർ പി.എസ്. ശ്രീധരൻ പിള്ള അനുസ്മരണ പ്രഭാഷണം നടത്തി. അമൃതാനന്ദമയി മഠം മഠാധിപതി സ്വാമി വിവേകാമൃതാനന്ദപുരി പ്രസംഗിച്ചു. വിജിൽ പ്രസിഡന്റ് അഡ്വ. ജോസഫ് തോമസ് അദ്ധ്യക്ഷനായി. നമ്പിടി നാരായണൻ, അഡ്വ എം.രാജൻ, അഡ്വ.കെ.പി ബഷീർ ,പി. ഗോപാലൻകുട്ടി, ഡോ. ശ്രീശൈലം ഉണ്ണികൃഷ്ണൻ, ടി.എച്ച്. വത്സരാജ് , അഡ്വ.ഒ. ഗിരീഷ് തുടങ്ങിയവർ പ്രസംഗിച്ചു.