സ്‌കൂൾ ബസ് പരിശോധന

വൈക്കം: പുതിയ അദ്ധ്യയന വർഷത്തിന് മുന്നോടിയായി വിദ്യാർത്ഥികളുടെ സുരക്ഷ ഉറപ്പുവരുത്തുന്നതിനായി വിദ്യാഭ്യാസ സ്ഥാപനങ്ങളിലെ വാഹനങ്ങളുടെ പരിശോധന 16, 20 തീയതികളിൽ വൈക്കം സത്യഗ്രഹ ശതാബ്ദി സ്മാരക (ആശ്രമം)സ്‌കൂൾ മൈതാനത്ത് നടക്കും. താലൂക്ക് പരിധിയിലെ എല്ലാ വിദ്യാഭ്യാസ സ്ഥാപനങ്ങളുടെയും വാഹനങ്ങൾ നിർബന്ധമായും പരിശോധനയ്ക്ക് ഹാജരാക്കണമെന്ന് ജോയിന്റ് ആർ.ടി.ഒ അറിയിച്ചു. വാഹനങ്ങളുടെ ഫി​റ്റ്നസ്, സുരക്ഷാ സംവിധാനങ്ങൾ, രേഖകൾ, അടിയന്തര സുരക്ഷാ ഉപകരണങ്ങൾ എന്നിവ പരിശോധിക്കും. പരിശോധനയ്ക്ക് യഥാസമയം ഹാജരായി സ്​റ്റിക്കർ ലഭിക്കാത്ത വാഹനങ്ങൾ സർവീസ് നടത്താൻ അനുവദിക്കില്ല.