കല്ലറ ഗോപന് പുരസ്‌കാരം

തൃശൂർ: തൃപ്രയാറിലെ പി. ജയചന്ദ്രൻ മ്യൂസിക് ഫൗണ്ടേഷന്റെ പി. ജയചന്ദ്രൻ സ്മൃതി പുരസ്‌കാരം ഗായകനും സംഗീതസംവിധായകനുമായ കല്ലറ ഗോപന് സമ്മാനിക്കും. അവാർഡ് നാളെ വൈകീട്ട് 4.30ന് തൃപ്രയാർ സൗത്ത് എസ്.എൻ.ഡി.പി എൽ.പി സ്‌കൂളിൽ നടക്കുന്ന ഫൗണ്ടേഷന്റെ ഒന്നാം വാർഷികാഘോഷത്തിൽ ചലച്ചിത്ര സംവിധായകൻ അമ്പിളി പുരസ്‌കാരം കൈമാറും. സംഗീത സംവിധായകൻ വിദ്യാധരൻ മാസ്റ്റർ ഉദ്ഘാടനം ചെയ്യും. മധുശക്തീധര പണിക്കർ അദ്ധ്യക്ഷനാകും. സമ്മാനദാനവും അനുസ്മരണ പ്രഭാഷണവും ജയരാജ് വാര്യർ നിർവഹിക്കും. വാർത്താസമ്മേളനത്തിൽ ജയചന്ദ്രൻ മാസ്റ്റർ, ഷൈജൻ ശ്രീവത്സം, സജന ഇനാസ്, കെ.എസ്. ജോളി ശിവലാൽ എന്നിവർ പങ്കെടുത്തു.