കഞ്ചാവുമായി യുവാവ് പിടിയിൽ

കയ്പമംഗലം: വിദ്യാർത്ഥികൾക്കും യുവാക്കൾക്കും വിൽപന നടത്താനായി സൂക്ഷിച്ച കഞ്ചാവുമായി യുവാവ് തൃശൂർ റൂറൽ പൊലീസിന്റെ പിടിയിൽ. പെരിഞ്ഞനം അച്ചംകണ്ടത്ത് മാടേനി വീട്ടിൽ ശ്രീകുമാർ( 29) എന്നയാളാണ് പിടിയിലായത്. തൃശൂർ റൂറൽ ജില്ലാ പൊലീസ് മേധാവി ബി കൃഷ്ണകുമാർ ഐ.പി.എസിന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ ബുധനാഴ്ച വൈകുന്നേരം പ്രതിയുടെ വീട്ടിൽ നടത്തിയ പരിശോധനയിലാണ് കാൽ കിലോ കഞ്ചാവ് സഹിതം പ്രതിയെ പിടികൂടിയത്. കയ്പമംഗലം പൊലീസ് സ്റ്റേഷൻ സബ് ഇൻസ്‌പെക്ടർ ഫാദിൽ, ജി.എ.എസ് ഐമാരായ മണികണ്ഠൻ, ജോബി പോൾ , ഡ്രൈവർ സി.പി.ഒ വിപിൻദാസ് എന്നിവരാണ് അന്വേഷണ സംഘത്തിലുണ്ടായിരുന്നത്.